मुश्ताक अली टी-२०: बडोद्यावर मात करुन तामिळनाडूने पटकावलं विजेतेपद

पहिल्यांदा बॅटींगचा निर्णय घेतलेल्या बडोद्याची सुरुवात खराब झाली. अवघ्या ३६ धावांत बडोद्याने आपले ६ बॅट्समन गमावले. १०० च्या आत हा संघ ऑलआऊट होतो की काय असं वाटत असतानाच अखेरच्या फळीतल्या बॅट्समननी फटकेबाजी करत टीमला १२० धावांचा टप्पा ओलांडून दिला. बडोद्याकडून विष्णू सोळंकीने ४९ रन्स केल्या.

प्रत्युत्तरादाखल तामिळनाडूने सावध सुरुवात केली. बडोद्याच्या बॉलर्सनेही ३ विकेट घेत चांगली झुंज दिली पण त्यांचे प्रयत्न तोकडे पडले. शाहरुख खान आणि बाबा अपराजित यांनी नाबाद खेळी करत तामिळनाडूच्या विजयावर शिक्कामोर्तब केलं.