14 व्या वर्षीच IPL खेळला अन् पहिल्याच चेंडूत सिक्स; Google CEO ला चकित करणारा वैभव सूर्यवंशी आहे तरी कोण?

अगदी कमी वयात IPL डेब्यू

वैभव सूर्यवंशीने केवळ 14 वर्षे आणि 13 दिवसांच्या वयात आयपीएलमध्ये पदार्पण केले. यामुळे तो आयपीएलच्या इतिहासातील सर्वात तरुण खेळाडू बनला आहे. यापूर्वी हा विक्रम रे बर्मनच्या नावावर होता, ज्याने 16 वर्षे 157 दिवसांच्या वयात आरसीबीकडून IPL डेब्यू केले होते. वैभवने केवळ त्याच्या कमी वयामुळेच नव्हे तर त्याच्या पहिल्याच शॉटने सर्वांचे मन जिंकले. त्याने पहिल्याच चेंडूवर एक शानदार सिक्स मारून एका विशेष क्लबमध्ये आपले स्थान निर्माण केले.

कमी वयातच बनला स्टार खेळाडू

वैभव सूर्यवंशीला राजस्थान रॉयल्सने 1.10 कोटी रुपयांना करारबद्ध केले. यापूर्वी, वैभवने अंडर-19 कसोटीत फक्त 58 चेंडूत शतक ठोकले होते. वैभवने अंडर-19 आशिया कपमध्येही 176 धावांची खेळी केली होती. याशिवाय, त्याच्या नावावर देशांतर्गत क्रिकेटमध्ये एक त्रिशतकही आहे. अलिकडेच त्याने जोस बटलर आणि जोफ्रा आर्चर यांसारख्या आंतरराष्ट्रीय खेळाडूंसोबत नेट्समध्ये अभ्यास केला होता.

हे ही वाचा: पैसा-पाणी: UPI वारंवार का होतं डाऊन?, पैसा हेच कारण!

शनिवारी राजस्थान आणि लखनऊ यांच्यातील सामना शेवटच्या ओव्हरपर्यंत रोमांचक राहिला. राजस्थानला शेवटच्या ओव्हरमध्ये 9 धावांची आवश्यकता होती, पण लखनऊचा गोलंदाज आवेश खानने उत्तम गोलंदाजी केली आणि फक्त 6 धावा देऊन आपल्या संघाला 2 धावांनी विजय मिळवून दिला.

कोण आहे वैभव सूर्यवंशी?

वैभव सूर्यवंशीने त्याच्या छोट्या कारकिर्दीत मोठी कामगिरी केली आहे. नोव्हेंबर 2023 मध्ये, त्याची इंडिया बी अंडर-19 संघात निवड झाली, जिथे त्याने इंग्लंडविरुद्ध 41 धावा केल्या. त्याला वर्ल्ड कप संघात स्थान मिळाले नसले तरी, बिहारच्या अंडर-23 कॅम्पमध्ये उत्कृष्ट कामगिरी करून त्याने रणजी संघात स्थान मिळवले. जानेवारी 2024 मध्ये, त्याने फक्त 12 वर्षे आणि 284  दिवसांच्या वयात फर्स्ट-क्लास क्रिकेटपटूंमध्ये स्थान मिळवले. तो भारतातील सर्वात तरुण फर्स्ट- क्लास क्रिकेटपटूंपैकी एक बनला. सप्टेंबर 2024 मध्ये ऑस्ट्रेलियाविरुद्धच्या 19 वर्षांखालील टेस्ट मॅचमध्ये त्याने 62 चेंडूत 104 धावांची खेळी केली आणि 58 चेंडूत शतक ठोकले. त्याने दोन अर्धशतकात संघाला 2024 च्या अंडर-19 आशिया कपच्या अंतिम फेरीत नेले. त्याच वेळी, त्याने विजय हजारे ट्रॉफीमध्ये पदार्पण करून लिस्ट-ए क्रिकेटमध्ये सर्वात तरुण भारतीय होण्याचा विक्रमही केला.

हे ही वाचा: Astro: तुमची रास कोणती? पाहा तुम्ही मालामाल होणार आहात का, अचूक आणि बिनतोड उपाय

गूगल CEO ने केलं कौतुक

लखनऊ सुपर जायंट्सचा वेगवान गोलंदाज शार्दुल ठाकूरच्या पहिल्याच चेंडूवर 14 वर्षीय वैभव सूर्यवंशीने सिक्स मारला आणि तेव्हा संपूर्ण स्टेडियममध्ये टाळ्यांचा कडकडात झाला. यानंतर वैभवने केवळ 20 चेंडूत 170 च्या स्ट्राईक रेटने 34 धावा केल्या. यामध्ये 3 सिक्स आणि 2 चौकारांचा समावेश होता. त्याच्या शानदार खेळीने सर्वांचे लक्ष वेधून घेतले. गुगलचे सीईओ सुंदर पिचाई त्याच्या फलंदाजीने इतके प्रभावित झाले की त्यांनी सोशल मीडियावर लिहिले - "मी सकाळी उठलो आणि आठवीच्या वर्गातील एका मुलाला आयपीएलमध्ये खेळताना पाहिले!! किती अद्भुत डेब्यू आहे."