कोण आहे 15 वर्षांचा अल्लाह मोहम्मद? ज्याचं नाव IPL च्या ऑक्शनमध्ये येताच खळबळ उडाली

कोण आहे अल्लाह मोहम्मद?

अवघ्या 15 वर्षांच्या अल्लाह मोहम्मदचा जन्म 15 जुलै 2007 रोजी अफगाणिस्तानमध्ये झाला. अल्लाह मोहम्मद हा यंदाच्या आयपीएल लिलावात सहभागी होणारा सर्वात तरुण खेळाडू आहे, त्याने बिग बॅश लीगमध्येही आपले नाव दिले होते पण त्याला कोणीही खरेदीदार मिळाला नाही. 6 फूट 2 इंच उंच, अल्लाह मोहम्मद हा एक ऑफस्पिनर आहे जो आपल्या फिरकीने विरोधी संघाला फसवण्याच्या इराद्याने आयपीएलमध्ये येत आहे. अफगाणिस्तानच्या जुरमट भागातून आलेल्या अल्लाह मोहम्मदने वेगवान गोलंदाज म्हणून आपल्या करिअरची सुरुवात केली होती, पण आता तो स्पिनर बनला आहे.

अल्लाह मोहम्मदने सांगितले की, त्याने टेनिस बॉलने क्रिकेट खेळायला सुरुवात केली, त्यानंतर जेव्हा त्याने फिरकी गोलंदाजी करायला सुरुवात केली तेव्हा त्याच्या अॅक्शनमध्येही सुधारणा झाली. आता तो व्यावसायिक क्रिकेट खेळत आहे. अफगाणिस्तानचा हा युवा स्पिनर टीम इंडियाचा दिग्गज रविचंद्रन अश्विनला आपला हिरो मानतो.

आयपीएल लिलावात कोणत्या खेळाडूंचा समावेश करण्यात आला?

इंडियन प्रीमियर लीग-2023 चा मिनी लिलाव यावेळी 23 डिसेंबर रोजी कोची येथे होणार आहे. यावेळी लिलावात एकूण 405 खेळाडूंची नावे देण्यात आली असून, यापैकी संघ एकूण 87 खेळाडूंना खरेदी करू शकणार आहेत. आयपीएलचे दहा संघ आपल्या खिशात बड्या नावांवर डोळा ठेवत आहेत. आता या लिलावात चर्चेत असणाऱ्या अल्लाह मोहम्मद कोणत्या संघात जातो, हे पाहणं महत्वाचं ठरणार आहे.