Vinayak Mete Nephew: दिवंगत नेते विनायक मेटे यांच्या पुतण्याची आत्महत्या, नेमकं कारण काय?

सचिन मेटे (वय 34 वर्ष) असं आत्महत्या केलेल्या तरुणाचे नाव आहे. वडाच्या झाडाला दोरीने गळफास लावून त्याने ही आत्महत्या केली आहे. या घटनेनंतर गावात घबराटीचं वातावरण पाहायला मिळत आहे. विनायक मेटे यांचे भाऊ त्रिंबक मेटे यांचा सचिन हा मुलगा आहे.

सचिनने टोकाचं पाऊल का उचललं याचा तपास आता पोलीस करत आहेत. दोन महिन्यांपूर्वीच विनायक मेटे यांच्या निधनाला वर्ष पूर्ण झाले होते. दरम्यान, सचिन याने केलल्या आत्महत्येमुळे मेटे कुटुंबावर दु:खाचा डोंगर कोसळला आहे. मागील वर्षी रस्ते अपघातात विनायक मेटेंचा अपघाती मृत्यू झाला होता. विनायक मेटेंच्या मृत्यूच्या धक्क्यातून मेटे कुटुंबीय सावरत असतानाच सचिनच्या आत्महत्येमुळे कुटुंबाला जबर धक्का बसला आहे.

हे ही वाचा>> Gadchiroli: कुंभारे कुटुंबाला सुनेने ‘या’ विषाचा भरवला घास, ‘यासाठी’ काढला काटा!

सचिनने नेमकी आत्महत्येसारखं टोकाचं पाऊल का उचललं हे अद्याप तरी समजू शकलेलं नाही. तसेच त्याच्याकडे कोणत्याही प्रकारची सुसाइड नोट सापडलेली नाही. त्यामुळे या आत्महत्येबाबत गूढ कायम आहे.

दरम्यान, सदरील मृतदेह नांदूरघाट येथील ग्रामीण रुग्णालयात शवविच्छेदन करण्यासाठी पाठविण्यात आला आहे. त्यातून मृत्यू नेमका कसा झाला हे समजू शकणार आहे.

विनायक मेटेंचा झालेला अपघाती मृत्यू

मराठा समाजाचे नेते अशी ओळख असलेल्या विनायक मेटे यांच्या गाडीला 14 ऑगस्ट 2022 रोजी पहाटे पाच वाजता मुंबई-पुणे एक्स्प्रेसवेवर भीषण अपघात झाला होता. यात विनायक मेटे यांचं निधन झालं होतं. यानंतर त्यांच्या अपघाताची सीआयडी चौकशी करण्याचे निर्देश मुख्यमंत्री एकनाथ शिंदे यांनी पोलीस महासंचालकाना दिले होते.

हे ही वाचा>> फीसाठी पैसे नाही म्हणून विद्यार्थ्यांची आत्महत्या, जरांगे-पाटलाच्या सभेला लावलेली हजेरी!

सीआयडीच्या चौकशीमध्ये विनायक मेटे यांच्या गाडीचा चालक 130-140 ताशी किलोमीटर वेगाने गाडी चालवलत असल्याचे समोर आले होते. गाडीचा अपघात होण्याआधी चालकाने दुसरी गाडी ओव्हरटेक करत असतानाही आपली गाडी ओव्हरटेक करण्याचा प्रयत्न केला.

ओव्हरटेक करण्याच्या प्रयत्नातच हा अपघात झाला होता. असेही सीआडीच्या तपासात समोर आलं. यानंतर चालकाविरोधात सदोष मनुष्यवधाचा गुन्हा दाखल करण्यात आला होता.