Maharashtra Weather : कोकण, मध्य महाराष्ट्र आणि मराठवाड्यात पडणार पावसाच्या हलक्या सरी! 'या' ठिकाणी घोंगावणार सोसाट्याचा वारा
Maharashtra Weather Today : गेल्या काही दिवसांपासून राज्यातील अनेक जिल्ह्यांमध्ये हवामानात लक्षणीय बदल होत असल्याचं समोर येत आहे.
ADVERTISEMENT
बातम्या हायलाइट
राज्यात कोणत्या जिल्ह्यात पसरणार उष्णतेच्या लाटा?
या जिल्ह्यात होणार विजांचा गडगडाट
कोणत्या जिल्ह्यात कोसळणार पावसाच्या सरी?
Maharashtra Weather Today : गेल्या काही दिवसांपासून राज्यातील अनेक जिल्ह्यांमध्ये हवामानात लक्षणीय बदल होत असल्याचं समोर येत आहे. काल गुरुवारी मुंबई शहर आणि उपनगरांत ढगाळ आकाशासह पाऊस किंवा गडगडाटासह पाऊस पडण्याची शक्यता प्रादेशिक हवामान विभागाने वर्तवली होती. तर 3 एप्रिलला काही ठिकाणी वादळी वाऱ्यासह गारपीटी होण्याची शक्यताही वर्तवली होती. तसच राज्यातील काही भागात ऑरेंज आणि यलो अलर्टही जारी केला होता. अशातच आज 5 एप्रिलसाठी हवामान विभागाकडून महत्त्वाची अपडेट देण्यात आली आहे. राज्यातील सर्व जिल्ह्यांमध्ये आज हवामान कसं असणार आहे, जाणून घेऊयात याबाबत सविस्तर माहिती.
भारतीय हवामान विभागाने दिलेल्या माहितीनुसार, कोकण, मध्य महाराष्ट्र आणि मराठवाड्यातील जिल्ह्यांमध्ये तुरळक ठिकाणी विजांच्या कडकडाटासह वादळे आणि हलक्या ते मध्यम स्वरूपाच्या पावसासह ताशी ३०-४० किमी वेगाने वारे वाहण्याची शक्यता आहे. पालघर, ठाणे, मुंबई, रायगड, रत्नागिरीत उष्ण आणि दमट हवामानाचा अंदाज वर्तवण्यात आला आहे.
हे ही वाचा >> SSC Exam 2025 Result Date : विद्यार्थ्यांसाठी आनंदाची बातमी! 'या' तारखेला जाहीर होणार दहावीचा निकाल
तर सिंधुदुर्ग, धुळे, नंदूरबार, जळगावमध्ये हलक्या पावसाच्या सरी कोसळू शकतात. तर नाशिक, नाशिक घाट परिसरात कोरडं हवामान असणार आहे. तर अहिल्यानगर, पुणे, पुणे घाट परिसरातही पाऊस पडण्याची शक्यता आहे. कोल्हापूर घाट परिसर, कोल्हापूरमध्ये वादळी वाऱ्यासह हलक्या स्वरुपाचा पाऊस पडू शकतो. तर सातारा, सातारा घाट परिसरातही पावसाची हजेरी लागू शकते.
हे ही वाचा >> बंद खोली दोन तरुणी आणि आत रेल्वे कर्मचारी... अधिकाऱ्याच्या बायकोला WhatsApp वर पाठवले न्यूड फोटो
सांगली, सोलापूरमध्ये वादळी वाऱ्यासह (30 KMPH) पाऊस पडू शकतो. छत्रपती संभाजी नगर, जालना, परभणी, बीड, हिंगोली, नांदेडमध्ये कोरडं हवामान असणार आहे. लातूर धाराशिवमध्ये वादळी वाऱ्यासह पावसाच्या सरी कोसळू शकतात. अकोला अमरावती, भंडारा, बुलढाणा, चंद्रपूर, गडचिरोलीत हवामान विभागाने कोणताही इशारा दिला नाही.
हे वाचलं का?
