बारामतीत खळबळ! दगडाने डोक्याचा केला चेंदामेंदा, ऊसात सापडला मृतदेह

पुणे-सोलापूर राष्ट्रीय महामार्गावरील इंदापूर तालुक्यातील सरदेवडी टोल बूथ जवळ असणाऱ्या एका उसाच्या शेतात एका व्यक्तीचा मृतदेह आढळल्याने खळबळ माजली होती. या व्यक्तीची दगडाने ठेचून हत्या करण्यात आली होती. 12 जुलैच्या सकाळी ही घटना घडली आहे. पोलिसांना या घटनेची माहिती मिळताच त्यांनी तत्काळ घटनास्थळी गाठत तपास सुरु केला आहे.पोलिसांनी मृतदेह ताब्यात घेऊन पोस्टमार्टमसाठी पाठवला आहे.आता पोस्टमार्टम रिपोर्टमधून हत्येचे नेमकं काय कारण समोर येते, याकडे पोलिसांचे लक्ष लागले आहे.

हे ही वाचा : Kalyan Crime: दोन कॉलगर्ल्सना घरी बोलावलं अन गेला जीव; ‘त्या’ रात्री काय घडलं?

पोलिसांनी दिलेल्या माहितीनूसार, इंदापूर तालुक्यातील सरदेवडी टोल बूथ जवळील उसाच्या शेतात एका व्यक्तीची हत्या करण्यात आली होती. दगडाने ठेचून या व्यक्तीची हत्या करण्यात आली आहे. प्राथमिक तपासात मृत व्यक्तीच्या खिशातून एक एसटीचं तिकीट सापडलं होतं. या तिकिटातून मृत व्यक्तीने बसचा प्रवास केल्याचे पोलिसांचे म्हणणे आहे. या बस तिकीटासह घटनास्थळावरून पोलिसांना एक फास्ट टॅग आणि हेडफोन देखील आढळला आहे. हे तीनही पुरावे पोलिसांनी ताब्यात घेऊन हत्येचा तपास सुरु केला आहे.

नेमकी मृत व्यक्तीची हत्या का करण्यात आली आहे. यामागचं ठोस कारण अद्याप पोलिसांना सापडलं नाही. पोलिसांनी मृतदेह ताब्यात घेऊन पोस्टमार्टसाठी पाठवला आहे. आता या पोस्टमार्टम अहवालातून हत्येचं नेमकं कारण समोर येणार आहे. इंदापूर पोलिस आता मृत व्यक्तीची ओळख पटवण्याचा प्रयत्न करत आहे. यासोबत नेमकी ही हत्या कोणी केली? या हत्येमागचं कारण शोधण्याचा प्रयत्न सूरू केला आहे. या घटनेचा अधिक तपास पोलीस करीत आहेत.

हे ही वाचा : 25 वर्षीय तरुणीचे अर्ध जळालेलं मांस खाल्लं, दोघांनी का केलं किळसवाणं कृत्य?