पुण्यात लेकरासमोर पत्नीला मारलं ठार, कात्रीच खुपसली अन् नंतर Video केला व्हायरल

मिळालेल्या माहितीनुसार, आरोपीने जेव्हा खून केला तेव्हा त्याचा 5 वर्षांचा मुलगाही तिथे उपस्थित होता. पोलिसांनी सांगितले की, पत्नीचे नाव ज्योती शिवदास गीते आहे. सध्या चंदन नगर पोलिसांनी आरोपी पती शिवदास तुकाराम गीतेला अटक केली आहे.

हे ही वाचा>> पत्नीचे अश्लील फोटो काढले अन् मित्रालाच पाठवले, मित्राकडून महिलेकडे सेक्सची मागणी...

पती-पत्नीमध्ये नेहमी व्हायची जोरदार भांडण

बुधवारी सकाळी राहत्या घरात ही घटना घडली. शिवदास गीते हा मूळचा बीडचा राहणारा आहेत. तो कोर्टात स्टेनो म्हणून काम करतो आणि खराडी परिसरात भाड्याने राहत होता. दरम्यान, घरगुती कारणांमुळे पती-पत्नीमध्ये दररोज भांडणे होत असत.

बुधवारी सकाळीही दोघांमध्ये क्षुल्लक कारणावरून जोरदार भांडण झालं. ज्यानंतर आरोपी पती शिवदास याने अचानक पत्नी ज्योती हिच्या मानेवर घरातील कात्रीने वार करून तिची निर्घृण हत्या केली. या घटनेबाबत माहिती देताना पोलिसांनी असेही सांगितले की, आरोपी पती शिवदासला असा संशय होता की, त्याची पत्नी त्याची मालमत्ता हडप करेल. याच संशयावरून त्याने पत्नी ज्योती हिची हत्या केली.

हे ही वाचा>> Baramati News : अभ्यास करत नाही म्हणून बापाची मारहाण, मुलाचा मृत्यू; अंत्यसंस्काराआधीच पोलिसांनी...

सध्या या प्रकरणाचा पुढील तपास खराडी पोलीस ठाण्याचे वरिष्ठ पोलीस निरीक्षक संजय चव्हाण करत आहेत. दरम्यान, ज्योती गीताचा मृतदेह तिच्या कुटुंबीयांकडे सोपवण्यात आला आहे. तिच्या मूळ गावी तिच्यावर अंत्यसंस्कार करण्यात येतील.