Honeymoon वेळी झालेला पती-पत्नीचा मृत्यू, आता काकूने सांगितली नवी कहाणी

वधूचे काका संतराम म्हणाले की, प्रदीप आणि शिवानीचे लग्न एक वर्षापूर्वीच ठरले होते. दोघांमध्ये खूप गप्पा व्हायच्या. शिवानी या लग्नाने खूप आनंदी होती. तिने तिच्या लग्नाची सर्व खरेदी स्वतः केली होती. स्वतः लेहंगा आणि कपडे निवडले होते. त्यांच्या नात्यात असे काहीही नव्हते जे त्रासदायक होते.

हे ही वाचा>> Honeymoon सेलिब्रेट करताना प्रदीप आणि शिवानीचा कसा झाला मृत्यू? हादरवून टाकणारी गोष्ट आली समोर

दुसरीकडे, वधूच्या पालकांचे म्हणणे आहे की, घटनेच्या वेळी शिवानीकडे मोबाइल फोन नव्हता. काही दिवसांपूर्वीच तिचा मोबाइल खराब झाला होता. ती मोबाइल फोनशिवाय तिच्या सासरच्या घरी गेली होती. 

प्रदीपच्या कुटुंबातील सदस्यांचे म्हणणे आहे की, तो खूप शांत मुलगा होता. शिवानीही एक चांगली मुलगी होती. दोघांमध्ये प्रेम होते. त्यांनी या घटनेत तिसऱ्या पक्षाचा सहभाग असण्याची शक्यताही नाकारली आहे आणि कोणतीही कारवाई करण्यास नकार दिला आहे. शिवानीचे काकाही प्रदीपचे कौतुक करताना दिसले.

दोघांमधील संबंध चांगले होते तर हे घडलं कसं?

या प्रकरणात पोलीस चांगलेच गोंधळले आहेत. प्रश्न असा आहे की, दोघांमधील संबंध चांगले होते मग अचानक असे काय घडले की रात्री 12 वाजता खोलीत पोहोचलेल्या पती-पत्नीचं हनिमून अवघ्या 3 तासांत संपलं. या तीन तासांत काय घडले? दोघांमध्ये शारीरिक संबंधही झाले. पण पुढे काय घडले की प्रदीपने शिवानीचा गळा दाबून खून केला आणि नंतर स्वतःला गळफास लावून घेतला.

हे ही वाचा>> Honeymoon साजरा करताना अचानक कसा झाला पती-पत्नीचा मृत्यू? पोलिसांच्या हाती लागला मोठा पुरावा

आता हे कोडे सुटण्याऐवजी अधिक गुंतागुंतीचे होत चालले आहे. खोलीत आणखी कोणी शिरले का? प्रदीपचे कुटुंबही कोणत्याही तिसऱ्या व्यक्तीचा सहभाग असल्याचे नाकारत आहे.

काकूनी सांगितली एक नवीन गोष्ट 

इथे शिवानीच्या काकूंनी सांगितले की, प्रदीप आणि शिवानीचे नाते खूप चांगले होते. दोघांमध्ये कोणत्याही प्रकारचा वाद नव्हता. शिवानीकडे मोबाइल फोनही नव्हता. तथापि, प्रदीपकडे किती मोबाइल फोन आणि किती नंबर होते हे माहिती नाही. शिवानी आणि प्रदीप अनेकदा फोनवर बोलत असत. शिवानी प्रदीपशी फक्त तिच्या आईच्या फोनवरून बोलत असे. शिवानीच्या पालकांनी सांगितले की, तिचा फोन नीट काम करत नव्हता आणि म्हणूनच तिने फोन तिच्या सासरच्या घरी नेला नव्हता.

नेमकं प्रकरण आहे तरी काय?

सहदतगंजमधील मुरावन गावातील प्रदीप कुमार याचे लग्न 7 मार्च रोजी खंडासाच्या शिवानीशी मोठ्या थाटामाटात झाले होते. दुपारी 1 वाजताच्या सुमारास, प्रदीपने शिवानीला घेऊन आपल्या घरी आला. वधू येथे आल्यावर तिचे भव्य स्वागत करण्यात आले. यानंतर, वधूला पाहणे, तिला भेटवस्तू देणे, तिचा चेहरा पाहणे इत्यादी प्रथा-परंपरा सुरू होत्या. त्यासोबतच हास्य आणि विनोद चालू होते. 

9 मार्च रोजी घरी एक रिसेप्शन होते. त्याची तयारी जोरात सुरू होती. रात्री 12 वाजताच्या सुमारास प्रदीप शिवानीच्या खोलीत गेला. दरम्यान, सकाळी 6 वाजता कुटुंबातील काही लोकांनी त्यांच्या खोलीचे दार ठोठावले. पण तेव्हा ते उघडण्यात आलं नाही. त्यानंतर पुन्हा एकदा 7 वाजता पुन्हा दार ठोठावण्यात आलं. पण तेव्हाही आतून काहीही प्रतिसाद आला नाही. त्यानंतर कुटुंबातील काही जणांनी खिडकीतून आत वाकून पाहिलं तेव्हा त्यांना प्रदीप पंख्याला लटकलेला दिसून आला. 

ज्यानंतर त्याच्या कुटुंबीयांनी दरवाजा तोडून खोलीत प्रवेश केला. यावेळी शिवानीचा मृतदेह बेडवर पडला होता. तिने तिचे दागिने जवळच्या टेबलावर काढून ठेवले होते. यावेळी शिवानीच्या मानेवर जखमेचे निशाण होते. तर प्रदीप पंख्याला गळफास घेऊन लटकलेल्या अवस्थेत होता.