Badlapur News: "आता मी एकालाही जिवंत सोडणार नाही" अक्षय शिंदे असं म्हणाला अन्... 'त्या' व्हॅनमध्ये काय घडलं?
Akshay Shinde: The exact information about what actually happened before the encounter with Akshay Shinde, the accused in the Badlapur incident, has now come to light. Know what exactly is mentioned in the FIR.
ADVERTISEMENT
बातम्या हायलाइट
अक्षय शिंदे याचा पोलीस चकमकीत झाला मृत्यू
अक्षय शिंदेने गोळीबार करण्याआधी काय म्हटलं?
पोलिसांसोबत अक्षय शिंदेने नेमकं काय केलेलं?
Akshay Shinde Encounter: ठाणे: बदलापूर लैंगिक अत्याचार प्रकरणातील आरोपी अक्षय शिंदे याचा काल (23 सप्टेंबर) पोलीस व्हॅनमध्येच झालेल्या चकमकीत मृत्यू झाला. ज्याचा एफआयआर आता समोर आला आहे. आपल्या मुलाचा एन्काउंटर हा फेक असल्याचा आरोप अक्षय शिंदेच्या कुटुंबीयांनी केला आहे. तर त्यावेळी नेमकं काय झालं याबाबतचा एफआयआर समोर आला आहे. ज्यामध्ये आरोपी अक्षय शिंदेने पोलिसांवर बंदुकीने हल्ला चढवल्याचं म्हटलं आहे. (badlapur sexual assault case i will not leave anyone alive now said akshay shinde and fired shots what exactly happened in that van)
"आता मी एकालाही जिवंत सोडणार नाही", असं म्हणत अक्षय शिंदेने तीन गोळ्या झाडल्या असल्याचं एफआयआरमध्ये म्हटलं आहे. अक्षय शिंदे याचा ज्या संजय शिंदे यांनी एन्काउंटर केला त्यांनी या सगळ्या प्रकरणी पोलिसात एफआयआर दाखल केला आहे. ज्यामध्ये अक्षय शिंदेने गोळीबार करण्याआधी नेमकं काय केलं आणि काय म्हटलं हे देखील सांगितलं आहे.
हे ही वाचा>> Badlapur News: आधी पोलिसांवर गोळीबार अन् नंतर अक्षय शिंदेचा मृत्यू, नेमकं काय घडलं?
"आता मी एकालाही जिवंत सोडणार नाही", एन्काउंटरच्या आधी अक्षय शिंदे काय म्हणाला?
First Information contents (प्रथम खबर हकीकत ) :
मी संजय रामचंद्र शिंदे, (वय 57 वर्ष) मी सन 1992 पासुन महाराष्ट्र पोलीस दलात नोकरीस असुन दि. 03/09 / 2024 पासुन मध्यवर्ती गुन्हे शाखा, ठाणे शहर येथे वरिष्ठ पोलीस निरीक्षक म्हणुन कार्यरत आहे. मी बदलापुर पूर्व पोलीस ठाणे गु.र.नं. 409/2024, भा.द.वि.स.क. 377, 324, 504, 506 या गुन्ह्याचे तपासकामी मा. पोलीस आयुक्त, ठाणे शहर यांच्या आदेशाने स्थापन करण्यात आलेल्या विशेष पथकात काम करीत असुन सदर गुन्ह्याचा मी तपासी अधिकारी आहे.
हे वाचलं का?
ADVERTISEMENT
बदलापुर पुर्व पोलीस ठाणे गु.र.नं. 380 / 2024 या गुन्ह्यात तळोजा मध्यवर्ती कारागृह येथे न्यायालयीन कोठडीत असलेला आरोपी अक्षय शिंदे हा आमचेकडे तपासावर असलेल्या वर नमुद गु.र.नं. 409 / 2024 या गुन्ह्यात पाहिजे आरोपी असल्याने त्याचा ताबा मिळणेसाठी मा. जिल्हा व अतिरीक्त सत्र न्यायालय, 7 कल्याण यांच्याकडुन दि. 20/09/2024 रोजी ताबा वॉरन्ट घेण्यात आले होते.
हे ही वाचा>> Badlapur Rape Case: कोण आहेत PI संजय शिंदे? ज्यांनी केला आरोपी अक्षय शिंदेचा एन्काऊंटर
दि. 23/09/2024 रोजी सदर तपास पथकातील मी, सपोनि निलेश मोरे, नेम. अंमली पदार्थ विरोधी पथक, ठाणे शहर, पो. हवा./3745 अभिजीत मोरे व पोहवा / 5729 हरिश तावडे असे सरकारी वाहनाने दुपारी 14:00 वा. मध्यवर्ती गुन्हे शाखा येथील ठाणे दैनंदिनीमध्ये नोंद करून तळोजा मध्यवर्ती कारागृहाकडे रवाना झालो होतो. मी व सपोनि निलेश मोरे यांनी सरकारी पिस्टल सोबत घेतले होते. त्यावेळी मी माझे पिस्टल मध्ये 5 राउंड लोड केलेले होते.
ADVERTISEMENT
दि. 23/09/2024 रोजी 17:30 वा. तळोजा मध्यवर्ती कारागृह येथुन आरोपी अक्षय शिंदे यांस कायदेशीर प्रक्रिया पूर्ण करून ताब्यात घेवुन आम्ही पोलीस पथक पोलीस व्हॅनने मध्यवर्ती गुन्हे शाखा, ठाणे शहर येथे निघालो होतो. मी सदर वाहनामध्ये ड्रायव्हरच्या बाजुस पुढे बसलो होतो व सपोनि निलेश मोरे आणि 2 अंमलदार आरोपीसह वाहनाचे मागील बाजुस बसले होते. सदर वाहन शिळ डायघर पोलीस ठाण्याजवळ आले असता सपोनि / निलेश मोरे यांनी मला त्यांच्या मोबाईल फोनवरून फोन करून आरोपी अक्षय शिंदे हा, "मला तुम्ही पुन्हा कशासाठी घेवुन जात आहात? आता मी काय केले आहे?" असे रागाने बोलत असुन शिवीगाळ करीत असल्याचे सांगीतले.
ADVERTISEMENT
त्यामुळे मी वाहन थांबवुन आरोपीला शांत करण्याच्या उद्देशाने वाहनाच्या मागील भागात आरोपीच्या समोर पोहवा / हरिश तावडे यांच्या बाजुला येवुन बसलो. त्यावेळी आमच्या समोरच्या बाजूस सपोनि. मोरे व पो.ह. / अभिजित मोरे यांच्या मध्ये आरोपी अक्षय शिंदे बसला होता.
आम्ही सरकारी वाहनाने आरोपी अक्षय शिंदे यास घेवुन मुंब्रा बायपास रोडवर मुंब्रा देवीच्या पायथ्या जवळ आलो असता 18:15 वाजताचे सुमारास सदर आरोपी अक्षय शिंदे हा अचानक सपोनि/निलेश मोरे यांच्या कमरेला पॅन्टमध्ये खोचलेले सरकारी पिस्टल बळाचा वापर करून खेचु लागला असता सपोनि / निलेश मोरे यांनी आरोपी अक्षय शिंदे यास अडविण्याचा प्रयत्न केला. आरोपी अक्षय शिंदे हा त्यावेळी, "मला जाऊ द्या" असे म्हणत होता.
झटापटीमध्ये सपोनि / निलेश मोरे यांचे पिस्टल लोड झाले व त्यातील 1 राउंड हा सपोनि/निलेश मोरे यांच्या डाव्या मांडीमध्ये घुसल्याने ते खाली पडले. त्यावेळी आरोपी अक्षय शिंदे याने सपोनि निलेश मोरे यांचे पिस्टलचा ताबा घेवुन "आता मी एकालाही जीवंत सोडणार नाही" असे रागाने ओरडुन आम्हास बोलु लागला. त्यानंतर आरोपी अक्षय शिंदे याने माझे व पोहवा / हरिश तावडे याच्या दिशेने त्याचे हातातील पिस्टल रोखुन आम्हाला जीवे ठार मारण्याच्या उद्देशाने आमच्यावर 2 गोळ्या झाडल्या. परंतु आमच्या नशिबाने त्या गोळ्या आम्हाला लागल्या नाहीत.
आरोपी अक्षय शिंदे याचे रौद्र रूप व देहबोली पाहुन तो त्याच्याकडील पिस्टल मधुन आमच्यावर गोळ्या झाडुन आम्हाला जीवे मारणार अशी माझी पुर्णपणे खात्री झाली म्हणुन मी प्रसंगावधान राखुन मी व माझे सहकारी यांचे स्वरक्षणार्थ माझे कडील पिस्टल ने 1 गोळी आरोपी अक्षय शिंदे याच्या दिशेने झाडली. त्यात आरोपी अक्षय शिंदे जखमी होवुन खाली पडला व त्याच्या हातातील पिस्टलचा ताबा सुटला.
त्यानंतर आम्ही आरोपी अक्षय शिंदे याच्यावर नियंत्रण मिळविले व वाहन चालकाला सुचना देवून वाहन जवळच्या छत्रपती शिवाजी महाराज हास्पीटल, कळवा येथे आणुन मी, आरोपी अक्षय शिंदे व सपोनि/निलेश मोरे औषधोपचारासाठी दाखल झालो. त्यानंतर सपोनि / निलेश मोरे व मला पुढील औषधोपचारासाठी ज्युपीटर हॉस्पीटल, ठाणे येथे दाखल केले असुन वैद्यकिय उपचार चालु आहेत. आरोपी अक्षय शिंदे हा दवाखान्यात दाखल करण्यापुर्वीच मयत झाला असल्याचे मला नंतर समजले.
तरी आरोपी अक्षय शिंदे यास तळोजा कारागृह येथुन ताब्यात घेवुन मध्यवर्ती गुन्हे शाखा येथे सरकारी वाहनाने आम्ही घेवून येत असतांना दि. 23/09/2024 रोजी 180:15 वा. च्या सुमारास मुंब्रा देवी पायथ्याच्या जवळ मुंबा बायपास रोडवर आरोपी अक्षय शिंदे याने आमच्या कायदेशीर रखवालीतुन पळुन जाण्याच्या उद्देशाने सपोनि / निलेश मोरे यांच्याकडील सरकारी पिस्टल अचानक बळजबरीने खेचुन घेवुन 1 गोळी सपोनि / निलेश मोरे यांच्यावर व 2 गोळ्या माझेवर आणि पोहवा / हरिश तावडे यांच्यावर झाडुन आम्हास जीवे ठार मारण्याचा प्रयत्न केला.
त्यामुळे मी माझ्या व माझे सहकारी यांचे स्वसंरक्षणार्थ प्रसंगावधान राखुन अक्षय शिंदे याच्या दिशेने 1 राउंड फायर केला असता त्यामध्ये तो जखमी होवुन नंतर मयत झाला आहे. म्हणुन माझी आरोपी अक्षय शिंदे याच्याविरूध्द भारतीय न्याय संहिता 262, 132, 109, 121, सह भारतीय हत्यार कायदा कलम 27 प्रमाणे कायदेशीर फिर्याद आहे. माझी फिर्याद ज्युपिटर हा ँस्पीटल येथे लॅपटापवर टंकीत केलेली असून ती मला वाचून दाखविली. ती माझे सांगण्यानुसार बरोबर आहे.
ADVERTISEMENT