Israel: ‘अल्ला हू अकबर’च्या घोषणा, तरूणीच्या अंगावर बसून दहशतवाद्यांनी तोडले अब्रूचे लचके!

शनिवारी (7 ऑक्टोबर) पहाटे इस्रायलमध्ये घडलेल्या घटनेने संपूर्ण जग हादरले. हमासच्या दहशतवाद्यांनी काही मिनिटांतच 5000 रॉकेट डागले. त्यांचे डझनभर सशस्त्र दहशतवादी दक्षिण इस्रायलमध्ये घुसले. येथील सर्वसामान्य नागरिकांचे अपहरण करण्यात आले. ज्यामध्ये महिला आणि मुलांची संख्या सर्वाधिक आहे. याचे अनेक व्हिडीओ सोशल मीडियावर आहेत. यामध्ये रक्ताने माखलेल्या महिला रडताना दिसत आहेत आणि हमासचे दहशतवादी त्यांच्यावर आपला जोर दाखवण्यात कोणतीही कसर सोडत नाहीत.

Israel Palestine : धर्म अन् भूमी… इस्रायल-पॅलेस्टाईनमधील रक्तरंजित संघर्षाची कहाणी काय?

अशाच एका व्हिडीओने संपूर्ण जगाला स्तब्ध केलं आहे. व्हिडीओमध्ये एका मुलीचा मृतदेह ट्रकवर ठेवलेला दिसत आहे. त्यावर दहशतवादी बसले आहेत. ते मृतदेहाचे कपडे काढतात. त्यावर थुंकतात आणि बंदुका दाखवून इस्रायलवरील हल्ल्याचा आनंद साजरा करत आहेत. यावेळी त्यांनी ‘अल्ला हू अकबर’च्या घोषणाही दिल्या. त्यांचा असा विश्वास होता की त्यांनी एका इस्रायली महिला सैनिकाला पकडले होते.

पण, आता या मुलीची ओळख पटली आहे. त्याच्यासोबत घडलेल्या प्रकारामुळे तिच्या संपूर्ण कुटुंबाला मोठा धक्का बसला आहे. या मुलीचं नाव शानी लाउक होतं. ती जर्मनीत राहत असून एक टॅटू आर्टिस्ट आहे. ती इस्रायलमध्ये संगीत महोत्सवात सहभागी होण्यासाठी आली होती. हमासच्या सैनिकांनी इस्रायलमध्ये घुसखोरी करून इतरांसह शानीचे अपहरण केले. यानंतर त्यांनी 30 वर्षीय शानीची हत्या केली.

Beed News : 19 वर्षीय तरुणाने लॉजमध्येच गळ्याला लावला फास!

मिळालेल्या माहितीनुसार, शानीची चुलत बहीण तोमासीना वेनट्रॉब-लाउकने शनीला ओळखले. ती म्हणाली की कुटुंबाने शानीला तिच्या टॅटू आणि केसांवरून ओळखले. ती म्हणते, ‘आम्हाला काहीच माहीत नाही. आम्ही काही सकारात्मक बातम्यांची अपेक्षा करतो. ती खरोखरंच शानी आहे. ती संगीत महोत्सवाला गेली होती. आमच्या कुटुंबासाठी हे एका वाईट स्वप्नासारखं आहे.’

50 वर्षात पहिल्यांदाच हमासने इस्रायलवर एवढा मोठा हल्ला केला आहे. त्यामुळे इस्रायल स्वतःच चकित झाले आहे. हमासच्या हल्ल्यात 300 हून अधिक इस्रायली नागरिकांचा मृत्यू झाला आहे. तर 1500 हून अधिक जखमी झाले आहेत. हमासने इस्रायलवर सर्व बाजूंनी हल्ला केला. त्यांनी अनेकांचे अपहरण केले आहे. मोठ्या प्रमाणात लोकांची हत्याही करण्यात आली. हल्ल्याच्या दिवशी ज्यू लोकांची सुट्टी होती.

Satara : पती-पत्नी रात्री शेतात गेले अन् दोघांचे रक्तबंबाळ मृतदेहच सापडले

असेच इतर अनेक व्हिडीओही समोर आले आहेत. एका व्हिडीओमध्ये एका महिलेचे अपहरण करून तिला बाईकवरून नेले जात असल्याचे दिसले. तर दुसऱ्यामध्ये एका महिला सैनिकाचे हात बांधलेले आहेत. ती रक्ताने माखलेल्या अवस्थेत आहे. केस पकडून तिला गाडीत बसवलं जात आहे.