Crime News: नंदुरबारमध्ये 'बदलापूर' कांड! 'इंटरनेट सुरू करून दे' म्हणत सफाई कर्मचाऱ्याने...

मंगळवारी 27 ऑगस्ट रोजी शाळेतील कंत्राटी सफाई कर्मचाऱ्याने अल्पवयीन मुलीला मोबाइलमध्ये अश्लील व्हिडीओ दाखवून माणुसकीला काळीमा फासणारं भयानक कृत्य केलं. मिळालेल्या माहितीनुसार, मुलीच्या आईच्या तक्रारीवरून संबंधित कर्मचारी, संस्थाचालक आणि मुख्याध्यापिका अशा तीन जणांविरूद्ध गुन्हा दाखल करण्यात आला आहे. 

हेही वाचा : Gold Price Today: बापरे! सणासुदीला सोन्याच्या किंमतीत भडका; आज 1 तोळ्याची किंमत किती?

'इंटरनेट सुरू करून दे' म्हणाला अन्...

पीडित मुलीच्या आईने पोलिसांना दिलेल्या माहितीत म्हटलं आहे की, शहरातील नामांकित शाळेत पाचवीत शिकणाऱ्या विद्यार्थिनीस कंत्राटी सफाई कर्मचारी असणाऱ्या 50 वर्षीय व्यक्तीने मोबाइलमध्ये इंटरनेट सुरू करून दे असं सांगितलं. यावेळी त्यातील अश्लील व्हिडीओ दाखवत त्याने पीडित अल्पवयीन मुलीचा विनयभंग केला.

हेही वाचा : Maharashtra Weather: महाराष्ट्रात वादळी वाऱ्यासह पावसाचा जोर वाढणार! वाचा IMD चा आजचा अंदाज

पीडिती मुलीने घडलेला संपूर्ण प्रकार रात्री आईला सांगितला.  यानंतर आईने सकाळी याबाबत पोलीस ठाण्यात तक्रार दाखल केली. तक्रारीवरून आता कर्मचाऱ्याला कामावरून काढण्यात आले आहे. त्याचबरोबर त्याच्यावर आणि शाळेच्या मुख्याध्यापिका तसंच, संस्थेचे चेअरमन यांच्याविरूद्ध गुन्हा दाखल करण्यात आला आहे.