Pune Crime: 13 वर्षीय मुलीवर अल्पवयीन मित्राकडून बलात्कार, दारू पाजली अन् नंतर...

नेमकी घटना काय?

मिळालेल्या माहितीनुसार, पीडित मुलगी आणि आरोपी मुलगा एकमेकांना आधीपासूनच ओळखत असल्याचे पोलिसांचे म्हणणे आहे. आरोपी मुलगा 17 वर्षांचा आहे. 15 एप्रिल रोजी मुलीवर बलात्कार झाला होता. याप्रकरणी पीडितेच्या वडिलांनी काल (22 ऑगस्ट) पोलिसांत तक्रार केली आहे.

हे ही वाचा>> अल्पवयीन मुलीचा मृतदेह आढळला! लैंगिक अत्याचार करून खून झाल्याचा संशय, कोल्हापूरमध्ये नेमकं काय घडलं?

तक्रारीत म्हटले आहे की, 13 वर्षीय मुलीचे मित्र आणि इतर लोकांनी मुलीला फूस लावून मित्राच्या घरी पार्टीत नेले. तिथे त्यांनी तिला जबरदस्ती दारू पाजली. त्यानंतर मुलगी दारूच्या नशेत असताना तिच्या मित्राने तिच्यावर बलात्कार केला. यावेळी आरोपीसोबत उपस्थित असलेल्या एकाने त्याच्या मोबाइलवरून या घटनेचा व्हिडीओ देखील शूट केला.

या प्रकरणी पीडित मुलीच्या वडिलांनी समर्थ पोलीस ठाण्यात फिर्याद दिली. या प्रकरणी पोलिसांनी गुन्हा दाखल करून तपास केला आणि दोन अल्पवयीन मुलांना ताब्यात घेऊन बालसुधारगृहात पाठवले. याप्रकरणी इतर दोन जणांवर देखील गुन्हा दाखल करण्यात आला आहे. तसेच या सगळ्यात त्यांना मदत करणारी एक अल्पवयीन मुलगी देखील असल्याचं समोर आलं आहे.

हे ही वाचा>> Badlapur: 'अक्षय शिंदेचं 4 महिन्यापूर्वीच दुसरं लग्न झालेलं, पहिली बायको...', समोर आली नवी माहिती

या संपूर्ण प्रकरणाबाबत समर्थ पोलीस ठाण्याचे वरिष्ठ निरीक्षक उमेश गीते यांनी सांगितले की, तिसरा आरोपी आणि त्याच्या मैत्रिणीचा शोध सुरू आहे. या संपूर्ण घटनेबाबत एकूण 4 आरोपींविरुद्ध गुन्हा दाखल करण्यात आला आहे. याप्रकरणी पोलीस उपनिरीक्षक अमोल गोराड तपास करत आहेत.