जेवण खाली पाडलं म्हणून एका तरुणाची हत्या, नेमकं प्रकरण काय?
डोंबिवलीमध्ये एका कामगाराने क्षुल्लक कारणावरून दुसऱ्या कामगाराची हत्या केल्याची धक्कादायक घटना घडली आहे. जाणून घ्या याविषयी.
ADVERTISEMENT
डोंबिवली: डोंबिवली येथे बांधकामाच्या ठिकाणी काम करणाऱ्या एका कामगाराने त्याच्या सहकाऱ्याला बांबूच्या काठीने मारहाण करून ठार मारल्याची घटना घडली आहे. ही घटना अगदी क्षुल्लक वादातून सुरू झाली पण नंतर ती इतकी गंभीर झाली की एका मजुराला आपला जीव गमवावा लागला. पोलिसांनी आरोपीला अटक केली आहे आणि प्रकरणाचा तपास सुरू आहे. (sensational murder incident in dombivli a worker angry at his fellow worker for spilling food on the ground killed him)
नेमकं प्रकरण काय?
पोलिसांनी दिलेल्या माहितीनुसार, ही घटना गुरुवार आणि शुक्रवारी रात्री डोंबिवली पश्चिमेकडील पंडित दीनदयाळ रोडवर घडली. गुरुवारी संध्याकाळी, गौरव जगत आणि जयसन मांझी या दोन कामगारांमध्ये खाली सांडलेल्या अन्नावरून भांडण झाले. दोघेही ओडिशातील एकाच गावातील आहेत आणि बांधकामाच्या ठिकाणी एकत्र काम करत होते.
हे ही वाचा>> Nashik : पार्किंगमध्ये खेळताना कारखाली चिरडल्या गेलेल्या 4 वर्षीय चिमुकल्याचा मृत्यू, घटना CCTV मध्ये कैद
या काळात, सुरुवातीला इतर कामगारांनी भांडण शांत केले, परंतु तणाव कायम राहिला. रात्री गौरव जगत झोपलेला असताना, जैसन मांझीने त्याच्या डोक्यावर बांबूच्या काठीने अनेक वार केले, ज्यामुळे तो जागीच ठार झाला. हत्येनंतर इतर कामगारांनी तात्काळ पोलिसांना माहिती दिली.
हे ही वाचा>> Nagpur : ऑनलाईन गेम खेळताना झालं 40 हजार कर्ज, जिथं काम करत होता तिथंच तरूणानं केली चोरी, कसा सापडला?
पोलिसांनी दिली ही माहिती
विष्णुनगर पोलीस ठाण्याचे वरिष्ठ निरीक्षक संजय पवार यांनी सांगितले की, आरोपीला अटक करण्यात आली आहे आणि खुनाचा गुन्हा दाखल करण्यात आला आहे. मृतदेह पोस्टमॉर्टेमसाठी रुग्णालयात पाठवण्यात आला असून पुढील तपास सुरू आहे. पोलिसांचे म्हणणे आहे की, हा वाद किरकोळ कारणावरून सुरू झाला होता पण हळूहळू तो हत्येपर्यंत पोहोचला. यामागे आणखी काही कारण होते का, याचा शोध घेण्यासाठी या प्रकरणात अधिक तपास सुरू आहे.
हे वाचलं का?
