Kalyan Suicide: 'तुझे ओठ काळे, तुझ्या तोंडातून वास येतो', पती-सासूच्या टोमणे; विवाहितेची आत्महत्या

नेमकं प्रकरण काय?

आत्महत्येपूर्वी जागृतीने मोबाइलमध्ये सुसाइड नोट लिहून तिची सासू आणि पतीला जबाबदार धरलं आहे. याप्रकरणी मानपाडा पोलिसांनी गुन्हा दाखल करत तपास सुरू केला आहे. सागर रामलाल बारी (वय 32 वर्ष) असे अटक केलेल्या पतीचं नाव आहे. शोभा रामलाल बारी असे अटक केलेल्या सासूच नाव आहे. दरम्यान 11 जुलैपर्यंत या दोघाना न्यालयाने पोलीस कोठडी सुनवली असून सागर हा मुंबईच्या आजाद नगर पोलीस ठाण्यात पोलीस शिपाई म्हणून कार्यरत आहे. असे मानपाडा पोलिसांनी सांगितले.

हे ही वाचा>> Crime: नगरसेवकाला बाथरुममध्ये बोलावलं अन् गुप्तांगच कापून टाकलं

जागृतीच्या आईने तिच्यासोबत शेवटचं काय बोलणं झालं हे देखील सांगितल.. आईने सांगितले की  ‘आई माझी सासू मला तू काळी आहेस, तुझे ओठ काळे आहेत. तुझ्या तोंडाचा घाण वास येतो असे हिणवून तू माझ्या मुलाला पसंत नाही. घरातून निघून जा. नाहीतर आईकडून घर घेण्यसाठी 10 लाख रुपये घेऊन ये. माझा शारिरिक आणि मानसिक छळ करते, तू त्यांच्याशी बोलून घे’, असं जागृतीने आपल्या आईला फोनद्वारे सांगितले असल्याचे जागृतीच्या आईने पोलिसांना सांगितलं आहे. 

हे ही वाचा>> संशयाच भूत डोक्यात शिरलं, लोखंडी रॉडने पत्नीला संपवलं; नेमकं काय घडलं?

दरम्यान, या संपूर्ण घटनेने जागृतीच्या कुटुंबीयांना खूप मोठा मानसिक धक्का बसला आहे. आपल्या तरुणी मुलीला अशा पद्धतीने गमावल्याने तिच्या माहेरकडील कुटुंबीयांवर अक्षरश: दु:खाचा डोंगर कोसळला आहे.