Crime : पत्नीला आधीपासूनच होता मुलगा, सत्य समजताच नवऱ्याने दाखवलं खरं रूप!

ठाणे जिल्ह्यातील चितळसर परिसरात ही घटना घडली. येथे अल्पवयीन मुलाच्या आईने पहिल्या पतीपासून विभक्त झाल्यानंतर आरोपीसोबत दुसरे लग्न केले होते. लग्नानंतर ती दुसऱ्या पतीसोबत राहत होती. काही आठवड्यांपूर्वी ही महिला तिचा चार वर्षांचा मुलगा मोहम्मद आर्यन याला कोलकाताहून तिच्या घरी घेऊन आली होती. पोलिसांनी सांगितले की, आरोपीला पत्नीच्या पहिल्या लग्नातून मुल असल्याची माहिती नव्हती.

हेही वाचा : Yashashree Shinde : दाऊद शेखने हत्या करण्यापूर्वी यशश्रीला किडनॅप केले होते?

मिळालेल्या माहितीनुसार, महिला जेव्हा मुलाला घेऊन आली तेव्हा दोघांमध्ये खूप भांडण झाले. पोलीस अधिकाऱ्याने सांगितले की, आरोपी दिलशाद त्या मुलाला घरी आणल्याबद्दल नाराज होता आणि त्याने मुलाची जबाबदारी घेण्यासही नकार दिला होता.

पोस्टमॉर्टम रिपोर्टमधून सावत्र बापाच्या गैरकृत्यांचा खुलासा 

मुलाच्या मृत्यूनंतर पोलिसांनी रविवारी (28 जुलै) अकस्मात मृत्यूची नोंद केली. मात्र, मृतदेहाच्या पोस्टमार्टम अहवालात मुलावर गंभीर शारीरिक अत्याचार झाल्याचे स्पष्ट झाले आहे. त्याच्या बरगड्या आणि हाडे अनेक ठिकाणी तुटल्याचे आणि पोटात अंतर्गत जखमा असल्याचेही आढळून आले. त्यानंतर सावत्र बापाविरूद्ध खुनाचा गुन्हा दाखल करण्यात आला. या प्रकरणाचा पुढील तपास सुरू आहे.

हेही वाचा : Mirzapur 3 : 'त्या' हॉट सीनवर काय बरंच काही बोलली सलोनी भाभी!

पोलिसांनी सांगितले की, दिलशाद असे आरोपीचे नाव असून त्याला सोमवारी (29 जुलै) रात्री अटक करण्यात आली. भारतीय न्याय संहिता (BNS) कलम 103 (हत्या) अन्वये चितळसर पोलीस ठाण्यात आरोपीविरुद्ध गुन्हा दाखल करण्यात आला आहे.