Thane : दिवसाढवळ्या मनसे नेत्याची झाली होती हत्या, 3 वर्षानंतर आरोपीला ठोकल्या बेड्या

आधीच दोन आरोपींना अटक

पक्षाच्या राबोडी प्रभागचे अध्यक्ष मनसे नेते जमील शेख यांच्यावर गोळी झाडून त्यांची हत्या करण्यात आली होती. त्या प्रकरणीच हबीब शेख पोलिसांच्या शोधात होते. नोव्हेंबर 2020 मध्ये झालेल्या गोळीबारात सहभागी झाल्याबद्दल पोलिसांनी याआधीच शैद शेख आणि इरफान सोनूला अटक केली होती.

हे ही वाचा >>‘तू भेटायला आली नाहीस तर…’, युवकाने आमदाराच्याच घरात संपवली जीवनयात्रा

दुचाकीवरुन जाताना हल्ला

मनसे नेते जमील शेख राबोडीमध्ये 23 नोव्हेंबर 2020 आपल्या दुचाकीवरुन जात होते. त्यावेळी हल्लेखोरांनी त्यांचा पाठलाग करुन त्यांची दिवसाढवळ्या हत्या करण्यात आली होती. त्यांची हत्या झाल्यानंतर पोलिसांनी हत्या करणाऱ्यांवर कलम 302 नुसार त्यांच्यावर गुन्हा नोंद करण्यात आला होता. त्यानंतर या प्रकरणातील आरोपींचा पोलीस शोध घेत होते.

आणखी एक फरार

जमील शेख यांच्या हत्या प्रकरणातील अनेक पुरावे पोलिसांना मिळाले होते. त्यामध्ये हबीब शेख याचा सहभाग असल्याचेही समजले होते. त्यामुळे त्यालाही आता ताब्यात घेण्यात आले आहे. तर या प्रकरणातील आणखी एक आरोपी फरार असल्याचेही पोलिसांनी सांगितले.

हे ही वाचा >> संजय राऊत, दानवेंच्या अडचणी वाढणार? नितेश राणेंची विधिमंडळ सचिवांकडे तक्रार