Pooja Khedkar: पूजा खेडकरांची IAS ची नोकरी जाणार? UPSC कडून गुन्हा दाखल

IAS नोकरी गमावणार पूजा खेडकर... UPSC नेमका का दाखल केला गुन्हा? 

पूजा खेडकर यांनी UPSC परीक्षा देण्यासाठी जी काही प्रमाणपत्र सादर केली होती ती चुकीची किंवा बोगस असल्याचं समोर आलंय. त्यामुळेच आता या प्रकरणी UPSC कडून पूजा खेडकर यांच्याविरोधात FIR दाखल करण्याचा निर्णय घेण्यात आला आहे.

हे ही वाचा>> Pooja Khedkar: अखेर IAS पूजा खेडकर आल्या कॅमेऱ्यासमोर, म्हणाल्या मला...

पूजा या 2018 पर्यंत सामान्य विद्यार्थिनी म्हणून परीक्षा देत होत्या. पण त्यानंतर त्यांनी स्वत:चं नाव बदललं, तसंच त्या दिव्यांग असल्याची एकाहून अधिक प्रमाणपत्रं त्यांनी मिळवली. ही प्रमाणपत्रं मिळविताना त्यांनी काही माहिती दडवली. त्याचबरोबर जेव्हा यूपीएससीकडून त्यांच्या वैद्यकीय चाचणीसाठी त्यांना विचारणा झाली तेव्हा-तेव्हा त्या गैरहजर राहिल्या. 

हे सगळे प्रकार समोर आल्यानंतर यूपीएससीने हे पाऊल उचललं आहे. केवळ IAS पद रद्द करणं नव्हे तर ते मिळविण्यासाठी जी कृत्य त्यांनी केली आहेत तो एक गंभीर गुन्हा आहे. या सगळ्या गोष्टी लक्षात घेऊन आता यूपीएससीने त्यांच्याविरोधात गुन्हा दाखल करण्याचं ठरवलंय.

मात्र, या प्रकरणात आता केवळ पूजा खेडकरांवरच कारवाई होणार की, संबंधित व्यक्तींवर देखील कारवाईचा बडगा उगारला जाणार हे पाहणं महत्त्वाचं ठरणार आहे. पूजा खेडकर यांची UPSC मध्ये 821 रँक होती. पण तरीही त्यांना महाराष्ट्र केडर मिळालं. यावरून देखील अनेक सवाल उपस्थित केले जात आहेत. कारण एवढ्या जास्त रँक असलेल्या IAS उमेदवाराला सहसा महाराष्ट्र केडर मिळत नाही. पण तरीही त्यांना महाराष्ट्र केडर मिळालं.

हे ही वाचा>> Pooja Khedkar: IAS पूजा खेडकरांचं ते WhatsApp चॅटच आलं समोर, नेमकं काय आहे यात?

एवढंच नव्हे तर महाराष्ट्र केडर मिळाल्यानंतर त्या ज्या जिल्ह्याच्या रहिवासी आहेत त्या पुणे जिल्ह्यातच त्यांना पोस्टिंग कोणाच्या प्रभावामुळे मिळालं. असा सवालही विचारण्यात येत आहे.