Bigg Boss 18: 'माझं एन्काउंटर होणार होतं...', पवारांचं नाव घेत सदावर्तेंनी बिग बॉसच्या घरात उडवली खळबळ

Gunaratna Sadavarte Big Revealation on Bigg Boss House : बिग बॉस हिंदीच्या 18 व्या सीझनमध्ये वकील गुणरत्न सदावर्ते सामील झाले आहेत. त्यानंतर पहिल्याच दिवशी नियमभंग करून ढाराढूर झोपल्या कारणाने ते प्रचंड चर्चेत आले होते. त्यानंतर आता सदावर्ते यांनी बिग बॉसच्या घरात प्रवेश करण्यापुर्वी अंडरवर्ल्डमधून धमकी आल्याचा खुलासा केला आहे. त्याचसोबत शरद पवारांच्या (Sharad Pawar) एका प्रकरणात पोलीस त्यांचं एन्काऊंटर करणार होते, असा खळबळजनक खुलासा सदावर्ते (Gunaratna Sadavarte) यांनी केला आहे. सदावर्ते यांच्या या खुलास्यानंतर इतर सदस्यांना धक्काच बसला आहे.  (bigg boss 18 gunaratna sadavarte encounter going sharad pawar case and threat call from underworld dawood ibrahim before enter salman khan show big reavelation) 
 
 बिग बॉस हिंदीच्या 18 व्या सीझनचा पहिला एपिसोड सोमवारी रात्री टीव्हीवर प्रसारीत झाला होता. या एपिसोडमध्ये सदावर्ते यांनी मोठे खुलासे केले आहेत. खरं तर बिग बॉसच्या घरात सदावर्ते शेहजादा धामी, नायरा बॅनर्जी आणि श्रुतिकासोबत बसले होते. यावेळी इतर सदस्यांशी गप्पा मारत असताना त्यांनी मोठा खुलासा केला. ''मी बिग बॉसच्या घरात प्रवेश करत असल्याचे त्यांना (अंडरवर्ल्डला) कळताच, रात्री 8.30 वाजता मला कराचीतून धमकीचा फोन आला होता''. सदावर्ते यांच्या या खुलास्यानंतर सर्वांनाच धक्का बसला. पुढे सदावर्ते म्हणाले की, ''धमकीचा कॉल येताच मी फोन त्याच्या (बिग बॉस) मॅनेजरकडे दिला. आज एफआयआर नोंदवली गेली असेल. यावर इतर सदस्या त्यांना तुम्हाला का धमकी आली? यावर सदावर्ते म्हणाले की, आम्ही अंडरवर्ल्ड दाऊदविरुद्ध लढत राहतो. मॅडम, ती वकील झाली आहे. प्रकरण खूप गुंतागुंतीचे आहे, असा खुलासा सदावर्ते यांनी केला.