Salim Khan : बाबा सिद्दीकींच्या हत्येवर स्पष्ट बोलले, सलीम खान लेकाच्या पाठीशी उभे राहिले

हे ही वाचा >>Baba Siddique Case : आरोपींच्या मोबाईलमध्ये सापडला बाबा सिद्दींकीच्या मुलाचा फोटो, स्नॅपचॅटवरुन...

बाबा सिद्दीकी यांच्या हत्येनंतर समोर आलेल्या माहितीमधून लॉरेन्स गँगने 'जे सलमानसोबत उभे राहतील, त्यांना संपवू' असा इशाराच दिल्याचं दिसून येतंय. मात्र, एबीपीला न्यूजला दिलेल्या मुलाखतीत सलमान खान यांचे वडील सलीम खान यांना थेट प्रश्न विचारण्यात आला. सलमानचा नीकटर्तीय असल्याने बाबा सिद्दीकी यांची हत्या करण्यात आली का? या प्रश्नावर सलीम खान व्यक्त झाले. ते म्हणाले की, असं काहीच नाही.  सलमान खान आणि बाबा सिद्दीकी यांच्या हत्येच्या घटनेमध्ये काहीही संबंध नाही असं सलीम खान म्हणाले आहेत. तसंच या प्रकरणाचा आणि सलमानचा संबंध कसा जोडला जाऊ शकतो हे आपल्याला समजत नसल्याचं सलीम खान म्हणाले. 

सलमान खानला धमक्या देत असलेला लॉरेन्स बिश्नोई जरी बाबा सिद्दीकी प्रकरणात सहभागी असला तरी या प्रकरणाचा आणि सलमान खानचा काहीही संबंध नाही. हा एक पूर्णपणे वेगळा मुद्दा आहे. तसंच बाबा सिद्दीकी हे सलमानचे चांगले मित्र होते, खूप जुनी मैत्री होती. बाबा सिद्दीकींनी अनेक लोकांना मदत केली होती, मात्र आता काय करू शकतो... असं म्हणत सलीम खान यांनी आपल्या भावनांना वाट मोकळी करून दिली.

हे ही वाचा >>Baba Siddique : ''मला गोळी लागलीय, मी आता...'', छातीत गोळ्या घुसल्यानंतर सिद्दीकींचे अखेरचे शब्द

सलीम खान यांना पुढे लॉरेन्स बिश्नोईबद्दल आणखी प्रश्न विचारण्यात आले. "1998 ला झालेल्या हम साथ साथ है चित्रपटाच्या शूटींगदरम्यान काळवीटाची शिकार केली होती, त्यामुळे सलमानने माफी मागावी" अशी मागणी लॉरेन्स बिश्नोईने केली आहे. यावर सलीम खान म्हणाले की, सलमानने कोणत्याही प्राण्याची शिकार केलेली नाही. आम्ही साधं झुरळही मारलं नाही असं म्हणत सलीम खान यांनी मुलावरचे आरोप फेटाळले. "सलमानने मला सांगितलं आहे की मी असं काही केलं नव्हतं, मला त्याने त्यावेळी सांगितलं होतं, तो माझ्याशी खोटं बोलणार नाही, तो प्राणी मारणार नाही, त्याला प्राण्यांवर प्रेम आहे." असं सलीम खान म्हणाले.