Maharashtra Weather : राज्यात पुन्हा काही भागात पावसाची शक्यता, पाहा कोणकोणत्या जिल्ह्यांना यलो अलर्ट?

राज्यासह देशभरात दिवाळी मोठ्या उत्साहात साजरी केली जातेय. दिवे, लाईटींग लावून, फटाके फोडून आनंद साजरा केला जातोय. तर दुसरीकडे काही भागात पाऊसही हजेरी लावण्याच्या तयारीत आहे. हवामान विभागाने दिलेल्या अंदाजानुसार राज्यातील वातावरणात बदल होऊन, तापमानाच चढ-उतार होतील अशी शक्यता आहे. तर दुसरीकडे काही भागात विजांच्या कडकडाटासह पावसाचीही शक्यता वर्तवण्यात आली आहे. मात्र हिवाळ्याची वाट पाहणाऱ्यांना वाट पाहावी लागणार आहे.