Election 2024 : कोणत्या ग्रहामुळं निवडणुकीत मिळतं यश? कसं आहे शनी ग्रहाचं कनेक्शन? वाचा सविस्तर

राज्याच्या विधानसभा निवडणुकीचं मतदान 20 नोव्हेंबरला पार पडलं असून आज या निवडणुकीचा निकाल जाहीर केला जाणार आहे. अशातच निवडणुकीत कोणती आघाडी बाजी मारणार? असा सवाल उपस्थित केला जात आहे. नेत्यांसह मतदारांना या निवडणुकीच्या निकालाची प्रतीक्षा लागली आहे. 

निवडणुकीत कोणकोणत्या पक्षाला विजय मिळेल, हे निकालानंतरच स्पष्ट होणार आहे. परंतु, ज्योतिषशास्त्रातही सत्ता, शासन, राजकारण आणि निवडणूक आदी गोष्टींबाबत सविस्तरपणे सांगण्यात आलंय. सूर्य, गुरु आणि शनी असे ग्रह आहेत, जे या क्षेत्रांना प्रभावीत करतात. या ग्रहांची स्थिती मजबूत असल्यावर निवडणुकीत विजय होतो. निवडणुकीला प्रभावित करणाऱ्या या ग्रहांबाबत जाणून घेऊयात सविस्तर माहिती.

सूर्य ग्रह

ज्योतिष शास्त्रात सर्व 9 ग्रहांमध्ये सूर्य ग्रहाचं विशेष स्थान आहे. सूर्याला ग्रहांचा राजा असंही म्हणतात. हा ग्रह आत्मविश्वास, शक्ती, यश, प्रसिद्धी, सन्मानाचं प्रतिनिधित्व करतं. राजकारण, प्रशासन, उच्च पद आदी गोष्टींचं कारकही सूर्याला मानलं जातं. निवडणुकीत यश मिळावं असं तुम्हाला वाटत असेल, तर सूर्य देवाची पूजा करा. 

हे ही वाचा >> Optical Illusion Test: फोटोत लपलाय हत्ती! पण शोधणं खूपच कठीण, दिमाग लावा अन् 5 सेकंदात शोधा पाहू

गुरु ग्रह 

गुरु ग्रहाचं स्थानही राजकारणात महत्त्वाचं मानलं जातं. कारण या ग्रहाचा संबंध ज्ञान, उच्च पद आणि प्रशासनाशी जोडलेला असतो. कुंडलीत गुरु शुभ असेल, तर राजकारणात यश मिळतं आणि उच्च पदाची जबाबदारी मिळते.

शनी ग्रह

राजकारण किंवा निवडणुकीसाठी शनी ग्रहाचं स्थान खूप महत्त्वाचं आहे. शनी देव न्यायप्रीय देवता आहे, हे यामागचं कारण आहे. हा ग्रह कर्मानुसार फलश्रुती देतो. विशेषत: निवडणुकीत शनीची भूमिका खूप महत्त्वाची असते. ज्यांच्या कुंडलीत शनी शुभ असतो, त्यांना जनतेची साथ मिळते. 

टीप -  सूत्रांच्या आधारावर  राजकारण आणि निवडणुकीच्या भविष्याबाबत माहिती देण्यात आलीय. या माहितीची मुंबई तक पुष्टी करत नाही.