Chhagan Bhujbal : "शिंदेंच्या बरोबरीतच आम्हालाही...", मुख्यमंत्रिपदाचा तिढा सुटण्यापूर्वी भुजबळांची मागणी

राज्याचा मुख्यमंत्री कोण होणार यावर सध्या सर्वांचं लक्ष लागून आहे. एकीकडे एकनाथ शिंदे यांची प्रकृती ठीक नसल्यानं ते रुग्णालयात भरती होणार असल्याच्या चर्चा सुरू आहेत. तर दुसरीकडे भाजपने शपथविधीची तारीखही जाहीर केली आहे. फडणवीस यांच्याच गळ्यात मुख्यमंत्रि‍पदाची माळ पडणार अशी चर्चा सुरू असली तरी, दुसरीकडे धक्कातंत्र वापरलं जाणार असल्याच्या चर्चांनीही जोर धरला आहे. याच सर्व घडामोडींवर आज छगन भुजबळ यांनी प्रतिक्रिया दिली. काय चर्चा सुरू आहेत हे माहिती नाही, पण आमचा स्ट्राईकरेट जास्त असल्यानं आम्हाला शिंदेगटाच्या बरोबरीचीच खाती मिळावी असं भुजबळ म्हणाले आहेत.