Girgaon Marathi Vs Marwadi : "...अशे प्रकार खपवून घेणार नाही", मराठीला विरोध करणाऱ्याला मनसेचा चोप, मंगलप्रभात लोढा म्हणाले...

हे ही वाचा >>Raj Thackeray : "आमच्याकडेही थर्ड अम्पायर असता तर, गेल्या निवडणुकीत....", सचिनसमोर काय म्हणाले राज ठाकरे?

मनसैनिकांनी संबंधित व्यापाऱ्याला चोप देत माफी मागायला सांगितली. यादरम्यानच्या व्हिडीओमध्ये तक्रारदार महिलेने मंगलप्रभात लोढा यांच्यावरही आरोप केले होते. त्यानंतर आता लोढा यांनी व्यापाऱ्याच्या वर्तनुकीचा निषेध करत कुणीही भाजपचं नाव घेऊन असं करत असेल तर ते खपवून घेतलं जाणार नाही असं लोढा म्हणाले आहेत. 
 

मंगलप्रभात लोढा काय म्हणाले? 

गिरगावातील खेतवाडी परिसरात घडलेल्या भाषिक द्वेष पसरवणाऱ्या घटनेचा निषेध! मराठी भाषा ही आपल्या महाराष्ट्राची मातृभाषा आहे, आपली अस्मिता आहे! त्यामुळे इथे मराठीत न बोलता एका ठराविक भाषेत बोला!, अशी सक्ती कोणी करत असेल, तर ते चुकीचे आहे! भाजपचे नाव घेऊन, अशे प्रकार खपवून घेतले जाणार नाहीत! आपली मुंबई सर्वांची आहे!, परंतु ती सर्वात आधी मराठी माणसाची आहे, त्यामुळे असा भाषिक द्वेष पसरवणाऱ्या व्यक्तीवर कारवाई व्हावी, अशी आमची इच्छा आहे. जाहीर निषेध!

 

दरम्यान, याप्रकरणाचा व्हिडीओ कालपासून सोशल मिडीयावर चांगलाच व्हायरल होतो आहे. अनेक नेत्यांनीही हा शेअर करत भाजपवर निशाणा साधल्याचं दिसलं होतं.