Worli Accident : मिहीर शाहाच्या कबुलीने 'हिट अँड रन' प्रकरणात मोठा ट्विस्ट

विरार येथून पोलिसांनी मिहीर शाह याला ९ जुलै रोजी अटक केली. त्याला बुधवारी (10 जुलै) मुंबईतील शिवडी न्यायालयात हजर करण्यात आले. न्यायालयाने मिहीर शाह याला १६ जुलै रोजीपर्यंत पोलीस कोठडी सुनावली आहे. 

मिहीर शाहाने पोलिसांना काय सांगितले?

वरळी हिट अँड रन प्रकरणातील आरोपी मिहीर शाह याची मुंबई पोलिसांनी चौकशी केली. टीव्ही ९ वृत्तवाहिनीने सूत्रांच्या हवाल्याने दिलेल्या वृत्तानुसार राजेश शाह यांनी मिहीर शाहला वाचवण्याचे प्रयत्न केल्याचे समोर आले आहे.

हेही वाचा >> मोबाईल सुरु केला अन्...; मिहीर शाहाला पोलिसांनी कसे पकडले? 

मिहीर शाहचे वडील राजेश शाह आणि त्याच्या चालकाला पोलिसांनी अटक केली. त्यावेळी राजेश शाह यांनी सांगितले की, अपघातावेळी चालक कार चालवत होता.

हेही वाचा >> पिता-पुत्राने ट्रेनसमोर उडी मारली अन्.. हादरवून टाकणारा VIDEO 

पण, आता मिहीर शाहाची पोलिसांनी चौकशी केली. त्यात त्याने सांगितले की, अपघातावेळी मी कार चालवत होतो, अशी कबुली त्यांनी दिली. 

मिहीर शाह शाहपूरमध्ये बसला होता लपून

वरळीत अपघात झाल्यानंतर मिहीर शाह फरार झाला होता. समोर आलेल्या माहितीनुसार, मिहीर घटना घडल्यानंतर गोरेगाव येथील त्याच्या प्रेयसीच्या घरी गेला होता. तिथे त्याची आई आणि बहीण आली. त्यानंतर ते आधी बोरिवली आणि नंतर शहापूरला गेले. शहापूरमध्ये ते एका रिसॉर्टमध्ये राहत होते.