Coma Patient Video : रुग्णालयानं सांगितलं पेशंट कोमात अन् तो चालत बाहेर आला... व्हायरल व्हिडीओचं प्रकरण काय?

हे ही वाचा >>Udayanraje Bhosale : उदयनराजे भोसले औरंगजेबाच्या कबरीबद्दल काय म्हणाले? कबर नेमकी आहे तरी कुठे?

व्हायरल व्हिडीओ नेमका कुठला?

मध्य प्रदेशातील रतलाममध्ये असलेल्या एका खाजगी रुग्णालयाबाहेरचा हा व्हिडाओ असून, या व्हिडीओमुळे चांगलाच गोंधळ उडाला आहे. रतलाममधील मोती नगर परिसरातील रहिवासी बंटी निनामा हा दीनदयाळ नगर पोलिस स्टेशन परिसरात झालेल्या भांडणात जखमी झाला होता. त्याला आधी सरकारी वैद्यकीय महाविद्यालयाशी संलग्न रुग्णालयात दाखल करण्यात आलं, मात्र नंतर त्याला जीडी रुग्णालयात रेफर करण्यात आले.

व्हिडीओमध्ये काय दिसतंय? 

व्हायरल झालेल्या व्हिडीओमध्ये पेशंट बंटी निनामा अर्धनग्न अवस्थेत कपड्यांमध्ये रुग्णालयाबाहेर उभा असल्याचं  दिसतंय. त्याच्या कंबरेवर कोलोस्टोमी बॅग आणि नाकात एक नळी आणि हातात सलाईनची बॉटल दिसतेय. या रूग्णानं डॉक्टर उपचारासाठी आपल्याकडून 1 लाख रुपये मागित असल्याचा आरोप केला.

हे ही वाचा >>Pune Police : पुण्यात 'खाकी'लाही भाईगिरीचा नाद? पोलिसाचं गुन्हेगारांसोबत वाढदिवसाचं सेलिब्रेशन

बंटी निनामा यांच्या पत्नीनेही रुग्णालय प्रशासनावर गंभीर आरोप केले. माझा पती कोमात असल्याचं सांगण्यात आलं. आम्ही 12 तासांत 40,000 रुपये खर्च केले. तसंच आणखी पैशांची व्यवस्था करायला गेले आणि परत आले तेव्हा मी माझे पती स्वतः हॉस्पिटलबाहेर उभे असलेले दिसले असं पेशंटच्या पत्नीने म्हटलं.

रुग्णालयानं काय स्पष्टीकरण दिलं? 

दरम्यान, या प्रकरणात, मुख्य वैद्यकीय आणि आरोग्य अधिकारी (CMHO) डॉ. एमएस सागर म्हणाले की, तीन सदस्यांची टीम तयार करण्यात आली आहे. तसंच चौकशीचे आदेश देण्यात आले आहेत. त्याच वेळी, जीडी हॉस्पिटलच्या व्यवस्थापनानं हे आरोप पूर्णपणे फेटाळून लावले. रुग्णालयाच्या निवेदनानुसार, रुग्णाला आयसीयूमध्ये दाखल करण्यात आल होतं. तसंच त्यांचं एकूण बिल फक्त 8,000  रुपये होतं. पैसे मागितल्याचा आरोप पूर्णपणे खोटा आहे.