Latur Waqf Board Notice : लातूरमध्ये 100 हून अधिक शेतकऱ्यांच्या जमिनीवर वक्फचा दावा? काय आहे खळबळजनक प्रकरण?

हे ही वाचा  >> CM Devendra Fadnavis : "...म्हणून सर्वात जास्त मराठा आमदार भाजपमधून झाले", फडणवीसांनी स्पष्ट सांगितलं

छत्रपती संभाजीनगर येथील महाराष्ट्र राज्य वक्फ न्यायाधिकरणात हा दावा दाखल करण्यात आला असून, एकूण 300 एकर जमीन असलेल्या 103 शेतकऱ्यांना नोटिसा बजावण्यात आल्याची माहिती समोर आली आहे. या शेतकऱ्यांपैकी एक असलेल्या तुकाराम कानवटे यांनी पीटीआयला दिलेल्या माहितीमध्ये म्हटलंय की "या जमिनी पिढ्यानपिढ्या आम्हाला वारसाहक्काने मिळाल्या आहेत. या वक्फ मालमत्ता नाहीत. महाराष्ट्र सरकारने आम्हाला न्याय द्यावा, अशी आमची इच्छा आहे." दरम्यान, या प्रकरणी न्यायालयात दोन सुनावण्या झाल्या आहेत आणि पुढील सुनावणी 20 डिसेंबरला आहे.

हे ही वाचा >>'सदा सरवणकरांचा माज उतरवायचा होता, तो माज आज उतरवला', ठाकरेंच्या आमदाराची थेट टीका

वक्फ बोर्डाच्या कामकाजात सुसूत्रता आणण्यासाठी आणि त्यांच्या मालमत्तेचे कार्यक्षम व्यवस्थापन सुनिश्चित करण्यासाठी केंद्र सरकारने वक्फ (दुरुस्ती) विधेयक यावर्षी 8 ऑगस्ट रोजी लोकसभेत सादर केले होते. हे विधेयक संयुक्त संसदीय समितीकडे (जेपीसी) पाठवण्यात आले आहे.

वक्फ बोर्ड म्हणजे काय, ते काय काम करतं?

वक्फ कायदा हा मुस्लिम समाजाच्या मालमत्ता आणि धार्मिक संस्थांचे व्यवस्थापन आणि नियमन करण्यासाठी बनवलेला कायदा आहे. या कायद्याचा मुख्य उद्देश वक्फ मालमत्तेचे योग्य संवर्धन आणि व्यवस्थापन सुनिश्चित करणे हा आहे जेणेकरून या मालमत्तांचा धार्मिक आणि धर्मादाय हेतूंसाठी वापर करता येईल. 

वक्फ हा अरबी शब्द आहे ज्याचा अर्थ 'अल्लाहच्या नावाने केलेलं दान' असा होतो. इस्लाममध्ये, वक्फ मालमत्ता कायम धार्मिक आणि धर्मादाय ट्रस्ट म्हणून समर्पित आहे, धार्मिक हेतूंसाठी, गरिबांना मदत करणे, शिक्षण इ. वक्फ मालमत्तेचे व्यवस्थापन करण्यासाठी प्रत्येक राज्यात वक्फ बोर्डाची स्थापना करण्यात आली आहे. हे मंडळ वक्फ मालमत्तांची नोंदणी, संरक्षण आणि व्यवस्थापन करते.

वक्फ कायद्यांतर्गत सर्व वक्फ मालमत्तांची नोंदणी अनिवार्य आहे. ही नोंदणी संबंधित राज्य वक्फ बोर्डात केली जाते. वक्फ बोर्डाकडे वक्फ मालमत्तांची देखभाल, दुरुस्ती आणि विकासाची जबाबदारी देण्यात आली आहे. 

वक्फ मालमत्तेचा वापर धार्मिक आणि धर्मादाय कामांसाठी होत असल्याची खात्री बोर्ड करते. वक्फ मालमत्तेची तपासणी आणि नियंत्रण करण्याचे अधिकार वक्फ बोर्डाला आहेत. हे मंडळ वक्फ मालमत्तेचे व्यवस्थापक (मुतवल्ली) नियुक्त करते आणि त्यांच्या कृतींचे पुनरावलोकन करते. वक्फ मालमत्तेशी संबंधित वाद मिटवण्यासाठी विशेष न्यायालय स्थापन करण्यात आले आहे. हे न्यायालय वक्फ मालमत्तेशी संबंधित सर्व वाद मिटवते.