Vidhan Parishad Election : काँग्रेसची 5 मतं कशी फुटली? अजित पवारांनी काय सांगितलं?

हे ही वाचा : Vidhan Parishad Election Result: विधानपरिषद निवडणुकीचा निकाल जाहीर, पाहा संपूर्ण यादी

विधान परिषद निवडणुकीच्या निकालानंतर अजित पवार माध्यमांशी बोलत होते. यावेळी  अतिरिक्त मतांवर बोलताना अजित पवार म्हणाले की, आम्हाला ज्यांनी शब्द दिला,त्यांनी आम्हाला मतदान केलं आहे. तसेच अदृष्य शक्ती बिक्ती काही नसते. प्रयत्न करायचे असतात. तुम्हाला आमदारांशी चांगले संबंध ठेवायचे असतात. तुमचे संबंध कसे आहेत, त्याच्यावरती त्या गोष्टी अवलंबून असतात, असे अजित पवार यांनी सांगितले आहे. आमच्या सगळ्या सहकारी मित्रांनी चांगले काम केले आहे. असे या निकालावरून दिसते. त्यामुळे सगळ्यांचे आभार मानतो, असे देखील अजित पवार म्हणाले आहेत. 

विधान परिषद निवडणुकीकडे सगळ्या जनतेचं आणि महाराष्ट्राचं लक्ष होतं.  वेगवेगळ्या प्रकारच्या बातम्या पसरवल्या जात होत्या. पण एका गोष्टीचं समाधान आहे. आमच्याकडे  42 मतं होती, पण त्यापेक्षा अधिकची मतं आमदारांनी शिवाजीराव गर्जे आणि योगेश विटेकरांना दिली आहे. त्या सर्व आमदारांचे मी आभार मानतो. तसेच महायुतीच्या उमेदवारांना मतदान करणाऱ्या आमदारांचे मी आभार मानतो,असे अजित पवार यांनी सांगितले आहे. 

हे ही वाचा : Vidhan Parishad Election: दोन वर्षांपूर्वी 'याच' निवडणुकीने महाराष्ट्रात झालेला राजकीय भूकंप, आज पुन्हा...

या प्रकरणात वेगवेगळ्या प्रकारच्या चर्चा होत होत्या हे फुटणार ते फुटणार अशाप्रकारच्या बातम्या येत होत्या. पण शिंदे, फडणवीस आणि आम्ही एकत्र बसून शिंदेंची मतं त्यांनी सांभाळायची, भाजपची मतं त्यांनी सांभाळायची आणि राष्ट्रवादीची मतं राष्ट्रवादीने सांभाळायची असं आमचं ठरलं होतं, असे अजित पवारांनी सांगितले आहे. 

या निवडणुकीतून आमची महायुतीची एकी दिसून आली आहे. त्यामुळे हीच एकी विधानसभेत दिसून येईल, असा विश्वास देखील अजित पवारांनी व्यक्त केला.