'आमच्या समोर 5 जणांना गोळ्या घातल्या, आम्ही घाबरून अजान म्हटली...', पुण्याच्या आसावरी जगदाळेंनी सांगितला थरकाप उडवणार थरार

त्यांनी कोणत्याही महिलेला किंवा लहान मुलांना मारलं नाही. त्यांनी फक्त आणि फक्त पुरुषांना मारलं. तिथे काही स्थानिक काश्मिरी मुस्लीम लोकंही होते. पण त्यांना देखील दहशतवाद्यांनी धमकावलं होतं. ते अजान म्हणत होते. त्यांचं ऐकून आम्ही देखील अजान म्हणू लागलो. कारण त्यांनी आम्हाला गोळ्या मारू नये. 

पहिले त्यांनी माझ्या वडील आणि काकांना गोळ्या मारल्या. त्यानंतर आम्ही तिथून पळून आलो. त्यांना आम्हाला सोडून पळून यावं लागलं.

तिथे जे स्थानिक घोडेस्वार असतात त्यांनी आम्हाला मदत केली. त्यामुळे आम्ही त्या परिसरातून बाहेर पडू शकलो. 30 पेक्षा जास्त लोकं तिथे जखमी झाले होते. आमच्या समोर त्यांनी 5 लोकांना गोळ्या मारल्या होत्या. त्यात माझे वडील आणि काकांचा समावेश आहे. 

मी जोडपं पाहिलं.. ज्यांचं नुकतंच लग्न झालेलं असावं त्यांना गोळी मारलेलं मी पाहिलं. एक मॅडम बसल्या होत्या त्यांच्या पतीला गोळी मारलेली. त्यांची मुलगी खूप छोटी होती. 

आम्ही ज्या परिसरात होतो तेव्हा दहशतवादी हे पोलीस किंवा लष्कराच्या जवानांचे कपडे घालून आमच्या दिशेने आलेले. त्यांनी सुरुवातीला आम्हाला धमकावलं. 26/11 हल्ला कसा झाला होता. तसाच हल्ला त्यांनी यावेळी केला. गोळ्या मारून ते नंतर पळूनही गेले.