Brazil plane crash video : गिरक्या घेत कोसळले विमान अन् 62 जणांचा गेला जीव; व्हिडीओ व्हायरल

विन्हेडोजवळील व्हॅलिन्होस शहरातील अधिकाऱ्यांनी सांगितले की, या अपघातात कोणीही वाचलेले नाही. स्थानिक कॉन्डोमिनियम कॉम्प्लेक्समधील घराचे नुकसान झाले आहे. मात्र, घरातील कोणीही जखमी झाल्याचे वृत्त नाही.

उड्डाण केल्यानंतर गिरक्या घेत आले खाली

एटीआर-७२ हे विमान, एअरलाइन वोपस लिन्हास एरियास कंपनीचे होते. पराना राज्यातील कास्केव्हेलवरून ते साओ पाउलो येथील ग्वारुलहोसकडे जात होते. साओ पाउलोच्या राज्य अग्निशमन दलाने सोशल मीडियावर दुजोरा दिला की विन्हेडोमध्ये विमान क्रॅश झाले आणि सात कर्मचारी क्रॅश भागात पाठवण्यात आले.

हेही वाचा >> अजितदादांचा पॅटर्नच वेगळा, आता गुलाबी जॅकेट नाही तर थेट...

विमानात होते 58 प्रवासी आणि 4 क्रू मेंबर्स 

एअरलाइन वोपासने एका निवेदनात सांगितले की,साओ पाउलोच्या ग्वारुलहोस आंतरराष्ट्रीय विमानतळावर जाणारे विमान क्रॅश झाले. त्यात 58 प्रवासी आणि चार क्रू मेंबर्स होते. अपघात कशामुळे झाला हे निवेदनात सांगण्यात आलेले नाही.

हेही वाचा >> "सुपाऱ्या फेकणारे 100 टक्के शिवसैनिक असतील, पण...", राऊतांचा खुलासा

ब्राझिलियन टेलिव्हिजन नेटवर्क ग्लोबोन्यूजने निवासी भागात आग लागल्याचे आणि विमानाच्या काही भागातून धूर निघत असल्याचे फुटेज दाखवले. ग्लोबोन्यूजवरील फुटेजमध्ये विमान वेगाने खाली पडत असल्याचे दिसून आले. व्हिडीओमध्ये विमान झाडे असलेल्या भागात पडताना दिसत आहे. यानंतर धुराचे लोट उठतात.