श्रीमंतांना लाडू अन् गरिबाला बाहेर काढू! 'लालबागचा राजा' मंडळात का होतोय भेदभाव? उद्योगपतीनं शेअर केला VIDEO

सामान्य माणूस तासनतास रांगेत उभा राहूनही बाप्पाचं दर्शन व्यवस्थित घेऊ शकत नाही, कारण व्हीआयपी म्हणजे सेलिब्रिटींसाठी मंडळाकडून दर्शनासाठी विशेष सोय करण्यात आलीय. दुसरीकडे सामान्य माणूस दर्शनासाठी असलेल्या रांगेत विनाकारण फटके सहन करतोय, यंदाही काही गणेशभक्तांना या भयानक परिस्थितीचा अनुभव आला. जवळपास 15 लाखांहून अधिक भाविक दरवर्षी लालबागच्या राजाच्या दर्शनाला येतात. 

हे ही वाचा >> Optical Illusion : फोटोत मुलांची गर्दी दिसतेय ना? पण घोडाही लपलाय, क्लिक करून बघा

परंतु, सामान्य भाविकांना गर्दीत नाहक त्रास सहन करावा लागतो. या मंडळात सुरु असलेल्या व्हिआयपी कल्चरबाबत प्रसिद्ध उद्योगपती आणि आरपीजी ग्रुपचे चेअरमन हर्ष गोयन्का यांनी नाराजी व्यक्त केली आहे. गोयंका यांनी एक व्हिडीओ पोस्ट करत या व्हीआयपी कल्चरविषयी प्रश्नचिन्ह उपस्थित केले आहेत. हर्ष गोयंका यांनी लालबागचा राजाचा एक व्हिडीओ शेअर केला आहे. गोयंका यांनी कॅप्शनमध्ये म्हटलंय की, सामान्य भाविकांना लांब रांगेत उभं राहावं लागतं. पण यामध्ये भेदभाव होत असल्याचं पाहायला मिळत आहे.

इथे पाहा व्हिडीओ

भक्तीभावात सर्व समान आहेत का? असा सवालही त्यांनी उपस्थित केला आहे. या व्हिडीओत तुम्ही पाहू शकता की, गेट थोडा उघडल्यानंतर गणेशभक्त दर्शनासाठी आत प्रवेश करतात. पण त्याचवेळी गेटजवळ असणारे लोक त्यांना ढकलून देतात. या धक्काबुक्कीत काही लोकांना इजाही झाल्याचं समोर आलंय. हा व्हिडीओ पाहिल्यानंतर यूजर्सने हर्ष गोयंका यांच्या विचारांशी सहमत असल्याच्या प्रतिक्रिया दिल्या आहेत. एका यूजरने म्हटलं की, म्हणून मी लालबागच्या राजाच्या दर्शनाला गेलो नाही. दुसऱ्या यूजरने म्हटलं, सामान्य माणसाला दर्शन मिळणं कठीण असतं.