Maharashtra Weather Forecast : मुंबई, पुण्यासह 'या' जिल्ह्यांना पाऊस झोडपणार!

महाराष्ट्रात १० जुलै रोजी अनेक भागात विजांच्या कडकडाटासह पावसाचा अंदाज आहे. हवामान विभागाने पुणे,ठाणे,नागपूर, छत्रपती संभाजीनगरसह अनेक जिल्ह्यांसाठी यलो अलर्ट जारी केला आहे. 

Weather Updates 10 July : या जिल्ह्यांत मुसळधार पावसाचा अंदाज

भारतीय हवामान विभागाने वर्तवलेल्या अंदाजानुसार, मुंबई, ठाणे, पालघर, रायगड, पुणे, रत्नागिरी, सिंधुदुर्ग, कोल्हापूर, सातारा, वाशिम, यवतमाळ या जिल्ह्यांत मुसळधार पाऊस होईल.

हेही वाचा >> पिता-पुत्राने ट्रेनसमोर उडी मारली अन्.. हादरवून टाकणारा VIDEO

नाशिक, अहमदनगर, बीड, छत्रपती संभाजीनगर, जालना, परभणी, नांदेड, हिंगोली, बुलढाणा, अकोला, अमरावती, वर्धा, नागपूर, भंडारा, चंद्रपूर, गडचिरोली, नंदूरबार, धुळे, जळगाव या जिल्ह्यात विजांच्या कडकडाटासह पावसाचा अंदाज आहे.

12 July Weather Update : पुण्यासह पाच जिल्ह्यांना ऑरेंज अलर्ट

11 जुलै रोजी पावसाचा जोर कमी राहण्याचा अंदाज आहे. मात्र, 12 जुलै रोजी पुण्यासह कोकणातील जिल्ह्यांत अतिमुसळधार पावसाचा इशारा देण्यात आला आहे. रायगड, पुणे, रत्नागिरी, कोल्हापूर, सातारा या जिल्ह्यांना ऑरेंज अलर्ट हवामान विभागाने दिला आहे. १२ जुलै रोजी मुंबई, ठाणे, पालघरसह अनेक जिल्ह्यात मुसळधार पावसाचा अंदाज आहे. 

हेही वाचा >> वसंत मोरे ठाकरेंच्या शिवसेनेत, पुण्यात शरद पवारांचं गणित बिघडणार?

Maharashtra Weather 13 July : पुण्यासह सहा जिल्ह्यांना इशारा

13 जुलै रोजी महाराष्ट्रातील रायगड, पुणे, रत्नागिरी, सातारा, सिंधुदुर्ग कोल्हापूर या जिल्ह्यांत अतिमुसळधार पावसाचा अंदाज आहे. हवामान विभागाने या सहा जिल्ह्यांसाठी ऑरेंज अलर्ट जारी केला आहे. मुंबई, ठाणे, पालघर जिल्ह्यात पावसाचा जोर कायम राहणार असून, महाराष्ट्राच्या उर्वरित भागात विजांच्या कडकडाटासह पावसाचा अंदाज वर्तवण्यात आला आहे.