Maharashtra Weather Updates: दिवाळी आली तरी पावसाचं जायचं नाव नाही! आजही 'या' भागांना मुसळधार इशारा

राज्यातील 'या' भागात पावसाचा अंदाज!

पश्चिम महाराष्ट्रातील पुण्यासह सातारा, सांगली, कोल्हापूर, सोलापूर जिल्ह्यांतील काही भागात पावसाची शक्यता आहे. पुण्यात आज तापमान 28 अंश कमाल तर 21अंश सेल्सिअस किमान असेल.

हेही वाचा : Love Relationship: 'माझं तुझ्यावर लय प्रेमंय...', असं प्रपोज मुलंच करतात, मुलीचं काय अडतं?

तर, सातारा जिल्ह्यातील काही भागात जोरदार वारे वाहतील. त्याचबरोबर विजांच्या कडकडाटात, ढगांच्या गडगडाटात मुसळधार पावसाचा अंदाज हवामान विभागाने वर्तवला आहे. येथे 26 अंश कमाल तर 20 अंश सेल्सिअस किमान तापमान असेल.

मुंबईत कसं राहील हवामान?

हवामान विभागाच्या अंदाजानुसार, आज मुंबईचे हवामान कोरडे आणि ढगाळ राहण्याची शक्यता आहे. मुंबईत आता उकाडा जाणवत कमाल तापमान 29 ते 30 अंश सेल्सिअस तर किमान तापमान 21 अंश सेल्सिअस नोंदवल्या जाण्याची शक्यता आहे.