Maharashtra Weather: 'आला थंडीचा महिना, झटपट शेकोटी पेटवा'; तुमच्या शहरात कसंय वातावरण?

पुढील काही दिवसांत राज्यात सर्वत्र थंडी वाढण्याची शक्यता हवामान विभागाने वर्तवली आहे. हवामान विभागाच्या अंदाजानुसार, 15 नोव्हेंबरनंतर संपूर्ण राज्यात थंडी पडण्याची शक्यता आहे. सध्या मुंबई, कोकणात दुपारी उन्हाचा तडाका जाणवतोय. तर, दुसरीकडे विदर्भ आणि उत्तर महाराष्ट्रात रात्री हवेत थंडावा जाणवत आहे. राज्यात आता गुलाबी थंडीची चाहूल लागली आहे असं म्हणता येईल. 

हेही वाचा : Ladki Bahin Yojana : लाडक्या बहिणींना डिसेंबर महिन्याच्या हफ्त्यात 1500 ऐवजी 2100 रूपये मिळणार?

मुंबई शहरात हवामानाचा अंदाज काय?

Temperature in Mumbai city: मुंबई शहरात आज किमान तापमान 25.99 अंश सेल्सियस नोंदवले जाईल. भारतीय हवामान विभागाच्या (IMD) माहितीनुसार शहरात हवामान आज शक्यतो निरभ्र राहील. कमाल तापमान 29.49 अंश सेल्सियस असण्याची शक्यता आहे.

राज्यातील 'या' भागांमध्ये कसं असेल वातावरण?

Temperature in Maharashtra and your city: कोकणात आणि विदर्भात उन्हाचा चटका वाढत आहे, तर दुसरीकडे मराठवाडा, मध्य महाराष्ट्र आणि पश्चिम महाराष्ट्रात रात्री हवेत गारवा जाणवत आहे. नाशिक,पुणे प्रमाणे जळगावचे तापमान देखील कमालीचे घटले आहे. हिवाळ्याची चाहूल लागताच या ठिकाणी पारा घसरला. गेल्या 24 तासांमध्ये नाशिकमध्ये राज्यातील नीचांकी तापमान नोंदवले गेले. या ठिकाणी 14.4 अंश डिग्री सेल्सियस तापमानाची नोंद झाली तर सांगली देखील 14.4 अंश डिग्री सेल्सिअस तापमानाची नोंद करण्यात आली.

त्याचवेळी गेल्या 24 तासात पुण्याचे तापमान 15.2 अंश सेल्सिअस, जळगाव 15.8 अंश सेल्सिअस, महाबळेश्वर 15.6 अंश सेल्सिअस, मालेगाव 17.8 अंश सेल्सिअस, सातारा 16.6 अंश सेल्सिअस, परभणी 18.3 अंश सेल्सिअस, नागपूर 18.6 अंश सेल्सिअस, सांगली 14.4 अंश सेल्सिअस तर अहिल्यानगरात 14.7 अंश सेल्सिअस इतक्या तापमानाची नोंद करण्यात आली.