कसाबच्या फाशीवेळी नेमकं वातावरण कसं होतं, मीरा बोरवणकरांनी सांगितली कहाणी

राजकीय हस्तक्षेप

मीरा बोरवरणकर म्हणाल्या की, दहशतवादी हल्ल्यातील आरोपी अजमल कसाब आणि याकूब मेमन यांना माझ्या कार्यकाळात फाशी देण्यात आली. मात्र त्यावेळी राजकीय हस्तक्षेपही तेवढ्याच मोठ्या प्रमाणात होता. त्यामुळे त्यावेळी त्या फाशीचीही जोरदार चर्चा सुरु होती.

हे ही वाचा >> नीलम गोऱ्हेंनी पुण्यात केला होता दंगल घडवण्याचा प्रयत्न, मीरा बोरवणकरांचा गंभीर आरोप

फाशी देणे हे सिक्रेट

राज्याचे आर. आर. पाटील हे उपमुख्यमंत्री आणि गृहमंत्री असताना त्यांनी सांगितले होते की, याकूब मेमनला फाशी देणे हे सिक्रेट प्रकरण होते. त्यामुळे त्याला फाशी देताना कोणताही दबाव नव्हता मात्र सूचना मोठ्या प्रमाणात मिळत होत्या असंही त्यांनी यावेळी स्पष्ट केले.

कायद्याच्या चौकटीत केलं काम

अजमल कसाबला फाशी देतानाही त्यापेक्षा वेगळी परिस्थिती नव्हती. मात्र हे प्रकरण आंतरराष्ट्रीय पातळीवर चर्चेला गेलं तर मात्र भारताच्या प्रतिमेला धक्का पोहचू शकतो असंही त्यांनी यावेळी सांगितले. या दोन्ही फाशी त्यांच्या कार्यकाळात झाल्या असल्या तरी त्या काळात माझ्यावर राजकीय सूचना देण्याचे प्रमाण वाढले होते. मात्र कायद्याच्या चौकटीत राहून मी काम करत होते. त्यामुळे दबाव असला तरी कायद्याच्या चौकटीत राहून हे काम मी करत होतो असंही त्यांनी स्पष्ट केले.