Mumbai Local Train Suicide: पिता-पुत्राने ट्रेनसमोर उडी मारली अन्.. हादरवून टाकणारा VIDEO

मिळालेल्या माहितीनुसार, विरारहून चर्चगेटला जाणाऱ्या लोकल ट्रेनसमोर वडील आणि मुलाने उडी मारून आपले जीवन संपवले. मृत वडिलांचे हरीश मेहता (वय 60 वर्ष) आणि मुलाचे नाव जय मेहता (वय 30 वर्ष) आहे. ते दोघेही वसईचे रहिवासी असल्याचे सांगण्यात येत आहे. रेल्वेने दोघांचेही मृतदेह ताब्यात घेतले असून शवविच्छेदनासाठी शासकीय रुग्णालयात पाठविण्यात आले आहेत.

हे ही वाचा>> Belapur Train Accident : लोकल पकडायला गेली अन् दोन्ही पाय..., नवी मुंबईत थरकाप उडवणारी घटना

दरम्यान, पिता-पुत्राने नेमकी आत्महत्या का केली याचं कारण अद्याप समजू शकलेलं नाही. याप्रकरणी वसई रेल्वे पोलिसांनी तपास सुरू केला आहे. मेहता कुटुंबीय हे वसईतील वसंत नगरी येथे राहत असल्याची प्राथमिक माहिती समजते आहे. 

हादरवून टाकणारी दृश्य कॅमेऱ्यात कैद

वसई रेल्वे पोलिसांनी दिलेल्या माहितीनुसार, सोमवारी सकाळी मेहता पिता-पुत्र भाईंदर रेल्वे स्थानकावर आले. त्यानंतर ते प्लॅटफॉर्म क्रमांक 6 वरून चालत चालत विरारच्या दिशेने गेले. जिथे प्लॅटफॉर्म संपला तिथून हे दोघेही पिता-पुत्र खाली उतरले आणि पुन्हा रेल्वे रुळावरून चालत गेले. काही अंतर चालल्यावर चर्चगेटच्या दिशेने येणाऱ्या एका लोकल ट्रेन खाली त्या दोघांनीही स्वत:ला झोकून दिला. ज्यामध्ये त्यांचा दुर्दैवी मृत्यू झाला. या घटनेनंतर काही काळ स्थानकात एकच गोंधळ उडाला होता. दरम्यान, हा सगळा प्रकार सीसीटीव्हीमध्ये कैद झाला आहे.

या घटनेबाबत माहिती देताना रेल्वे पोलीस निरीक्षक गणपत तुंबडा यांनी सांगितलं की, मेहता पिता-पुत्र यांनी आत्महत्या केल्याचे स्पष्ट होत आहे. पण त्यांनी आत्महत्या का केली याचा आम्ही तपास करत आहोत.

हे ही वाचा>> Mihir Shah : पोलिसांना गुंगारा देणारा मिहीर शाह कुठे लपला होता?

बेलापूरमध्ये रेल्वे अपघातात महिलेने गमावले दोन्ही पाय

दुसरीकडे कालच (8 जुलै) सीबीडी बेलापूर येथे एका महिलेने रेल्वे अपघात आपले दोन्ही पाय गमावल्याची घटना समोर आली होती. प्लॅटफॉर्मवरुन अचानक महिलेचा पाय घसरला आणि ती थेट रेल्वेखाली सापडली होती. सुदैवाने या अपघातात महिलेचा जीव वाचला, मात्र तिला तिचे दोन्ही पाय गमवावे लागले. कालच्या या अपघाताचा व्हिडिओही सोशल मीडियावर व्हायरल झाला होता.