Teachers day viral video : विद्यार्थ्याने असं काय केलं शिक्षकाने धो धो धुतलं?

या व्हिडिओमध्ये शाळेच्या वर्गातील काही मुले त्यांच्या शिक्षकासोबत शिक्षक दिन साजरा करत आहेत. वर्गात भरपूर फुगे, सजावट आणि मुलांची गर्दी आहे. काही भेटवस्तू टेबलावर ठेवल्या आहेत. शिक्षक सर्वांच्या मध्यभागी बसले आहेत आणि टाळ्या वाजवल्या जात आहेत. त्याचवेळी असे काही घडते की गुरुजींना राग येतो.

विद्यार्थ्याला धरलं आणि धू धू धुतलं

खरं तर कार्यक्रम सुरू असतानाच एक विद्यार्थी शिक्षकावर बर्फाचा स्प्रे उडवतो. त्यामुळे शिक्षकांना खूप राग येतो. विद्यार्थ्याचा शर्ट पकडतात आणि ओढतात. त्याचे केस पकडून त्याच्या पाठीत धबाधब मारतात. यानंतर कार्यक्रमातील वातावरण बदलून सगळेच शांत होतात.

हा व्हायरल व्हिडिओ बिहार_से_है नावाच्या ट्विटर हँडलवर शेअर करण्यात आला आहे. या ट्विटला 4 लाखांहून अधिक व्ह्यूज मिळाले आहेत. हा व्हिडीओ व्हायरल झाल्यानंतर लोकांनी त्यावर खूप कमेंट करायला सुरुवात केली.

‘करा आणखी शिक्षक दिन साजरा’

एका यूजरने लिहिले आहे- शिक्षक हा शिक्षक असतो, त्याची चेष्टा करू नका. दुसऱ्याने मिश्किलपणे लिहिले आहे की, करा आणखी शिक्षक दिन साजरा. एका यूजरने लिहिले – खोडकर मुले कुठेही गेले तरी सुधरत नाही. आणखी एकाने लिहिले – शिक्षकाने तर कमालच केली, सगळं वातावरणच बदलून टाकलं.