Pune Crime: बहिणीचं मुंडकं छाटलं, भाऊ-वहिनीने अशी केली हत्या की, अवघं पुणं हादरलं!

पुण्याच्या मुठा नदी पात्रात महिलेचे शीर आणि हात पाय नसलेला एक मृतदेह 26 ऑगस्टच्या रोजी सकाळी आढळून आला होता. या प्रकरणी पोलिसांनी गुन्हा दाखल करून तपास सूरू केला होता. या तपासा दरम्यान मृत महिलेचे नाव सकिना खान (48) असल्याची माहिती समोर आली होती. सकिना ही शिवाजी नगर भागातील एका झोपडपट्टीत राहायची. या दरम्यान सकिनाच्या हत्येपुर्वी तिचा भावासोबत वाद झाला होता. जमिनीच्या मालकी हक्कावरून दोघांमध्ये घरात कडाक्याचे भांडण झाले होते. या भांडणानंतर सकिना अचानक गायब झाली होती. 

हे ही वाचा : Ladki Bahin Yojana : 31 ऑगस्ट शेवटची तारीख नाही! सरकार अर्ज करण्यासाठी देणार मुदतवाढ?

पोलिसांना या बहिण भावामधील भांडणाची माहिती मिळताच त्यांनी भाऊ अशफाक खान आणि वहिनी हमीदाला ताब्यात घेतले होते. यानंतर या दोघांची कसून चौकशी केली असता त्यांनी हत्येची कबूली दिली होती. पोलीस चौकशीत आरोपी भाऊ आणि त्याच्या बायकोने सांगितले की, सकिना खानची गळा घोटून हत्या केली. त्यानंतर मृतदेहाची ओळख पटू नये यासाठी तिच्या शरीराचे तुकडे तुकडे करून नदीपात्रात प्रवाहीत केले होते. 

खरं तर जमिनीच्या मालकी हक्कावरून सकिना खान आणि भाऊ अशफाक खान यांच्यात वाद झाला होता. या वादातून अशफाक आणि त्याची बायको हमीदाने सकिनाची हत्या केली होती. यामुळे या प्रकरणी आता पोलिसांनी आरोपी जोडप्याविरुद्ध भारतीय दंड संहितेच्या कलम 103 (हत्या) आणि 238 (पुरावा नष्ट करणे) अंतर्गत गुन्हा दाखल केला आहे. या प्रकरणाची अधिक चौकशी सुरू आहे.