Sharad Mohol : घरात जेवले, अंगणात काढला काटा… रक्षक बनून घेतला बदला

घराजवळच घातल्या गोळ्या

शरद मोहोळची हत्या झाल्यानंतर पोलिसांनीही तात्काळ आरोपींचा शोध सुरु केला मात्र काही तासांनी हत्येचं सीसीटीव्ही फुटेज समोर आले जोरदार खळबळ उडाली. सीसीटीव्ही फुटेजमध्ये शरद मोहोळ साथीदारांसोबत एका गल्लीतून चालताना दिसत आहे. जे त्या फुटेजमध्ये दिसत आहेत ते म्हणजे विठ्ठल गांडले, नितिन कानगुडे आणि साहील पोळेकर चालत असल्याचे दिसत आहेत. मात्र त्याच्या घरापासून काही अंतरावर गेला असतानाच त्याच्यावर गोळ्या झाडण्यात आल्या आणि तो खाली कोसळला. त्यानंतर त्याला रुग्णालयात दाखलही करण्यात आले, मात्र डॉक्टरांनी त्याला मृत घोषित केले.

हे ही वाचा >> ‘बाप हा बाप असतो…’, आव्हाडांनी अजित पवारांना ठणकावून सांगितले

एकत्रच राहूनच घात केला

शरदच्या साथीदारांनी त्याला गोळ्या झाडण्याआधी त्याचा त्यांनी त्याच्या लग्नाचा वाढदिवस साजरा केला होता. एवढंच नाही तर त्यानंतर त्यांनी एकत्र जेवणही केले होते. शरद मोहोळच्या घरात जेवण करुन झाल्यानंतर ते सगळे एकत्रच बाहेर पडले होते. मात्र काही अंतरावर गेल्यावर मात्र त्यांनी त्याच्यावर गोळ्या झाडल्या आणि तो रक्ताच्या थारोळ्यात कोसळला. साथीदारांनी झाडलेल्या गोळ्यांपैकी दोन गोळ्या त्याच्या मानेत घुसल्या तर एक छातीत आणि एक त्याच्या डोक्यात घुसली होती. तो कोसळताच मात्र त्या सगळ्यांनी तिथून पळ काढला.

आरोपींच्या मुसक्या आवळल्या

शरद मोहोळवर गोळ्या झाडल्याची बातमी वाऱ्यासारखी पुण्यासह परिसरात पसरली आणि त्या घटनेचा अनेकांना धक्का बसला. गोळ्या झाडल्यानंतर आरोपीनीही सुतारदरा भागातून पळ काढला. त्यानंतर पोलिसांनी घटनास्थळी धाव घेत आरोपींचा शोध घेण्यास चालू केले. त्यावेळी वेगवेगळ्या भागातील सीसीटीव्ही फुटेजचा तपास करून पोलिसांनीही आरोपींच्या काही काळातच मुसक्या आवळल्या.