महिलेने नको ‘त्या’ ठिकाणी लपवलेलं 8.9 कोटींचं कोकेन, मुंबईत महिलेला अटक

विग आणि अंतर्वस्त्राचा वापर

महसूल गुप्तचर संचालनालयाच्या अधिकाऱ्यांनी प्रथम युगांडाच्या महिलेची तपासणी चालू केल्यानंतर पहिल्यांदा त्यांना काही आढळून आले नाही. त्यानंतर अधिकाऱ्यांना संशय आल्यानंतर त्यांनी महिलेचा विग आणि तिच्या अंतर्वस्त्रात कोकेन लपवल्याचे त्यांचे लक्षात आले. त्यावेळी 890 ग्रॅम कोकेन जप्त करण्यात आले.

हे ही वाचा >> CM एकनाथ शिंदे म्हणाले ठाकरे एक नंबरचे मुख्यमंत्री आहेत, पण…

वेगळ्या पर्यायाची निवड

या प्रकरणी माहिती देताना त्यांनी सांगितले की, युगांडाच्या महिलेने कोकेनची तस्करी करण्यासाठी वेगळ्या पर्यायाची निवड करून त्या आधारे कोकेनच्या तस्करीसाठी प्रयत्न करत होती. त्या महिलेकडे कोकेन आढळल्यानंतर महिलेची चौकशी करून तिला अटक करण्यात आले आहे.

अधिकाऱ्यांना बसला धक्का

युगांडाच्या महिलेने कोकेन तस्करीसाठी तिच्या विग आणि अंतर्वस्त्रांचा केलेला वापर पाहून अधिकाऱ्यांनाही धक्का बसला आहे. कारण तिने ज्या पद्धतीने कोकेन लपवून ठेवले होते, त्यामुळे पोलिसही चक्रावले होते. मात्र चौकशी आणि कसून तपास चालू केल्यानंतर सगळा प्रकार उघडकीस आला.

युगांडाची आणखी एक महिला ताब्यात

गेल्या काही दिवसांतील ही मोठी कारवाई असल्याचेही अधिकाऱ्यांनी सांगितले. काही दिवसांपूर्वी युगांडामधीलच एका महिलेकडूनही कोट्यवधी रुपयांचे कोकेन जप्त करून तिला ताब्यात घेण्यात आले होते. युगांडातील महिलेने विग आणि अंतर्वस्त्रातून कोकेन आणून त्याची तस्करी करण्याचा प्रयत्न तिने केला होता. आता तिला ताब्यात घेतल्यानंतर या प्रकरणात आणखी कोणी आहे का त्याचा तपासही चालू आहे.