Nagpur : निवडणुकीच्या तोंडावर नागपूरमध्ये 14 कोटींचं सोनं जप्त, गुजरातहून आणल्याची माहिती

काही दिवसांपूर्वी मुंबईत 80 कोटी रुपयांच्या चांदीनंतर आता नागपुरात 14 कोटींहून अधिक किमतीचं सोनं जप्त करण्यात आलंय. विधानसभा निवडणुकीसाठी 20 नोव्हेंबरला मतदान होणार असून, त्यामुळे या घडामोडींवर आणखी बारीक लक्ष ठेवण्याचं काम पोलीस आणि निवडणूक आयोग करत आहेत, अशातच नागपूरमध्ये ही मोठी कारवाई करण्यात आली आहे.
 

आतापर्यंत मिळालेल्या माहितीनुसार, नागपूरमध्ये झालेल्या कारवाईमध्ये दागिने आणि बिस्किटांच्या स्वरूपात सोन्याची वाहतूक केली जात होती. गुजरातस्थित कंपनी सिक्वेल लॉजिस्टिकद्वारे ही वाहतूक केली जात होती. पथकाने वाहनांची रस्त्यात तपासणी केली असता, त्यांनी हे वाहन पकडलं. गुरुवारी नागपूर विमानतळावर हे सोनं आलं आणि त्यानंतर ते अमरावतीला पाठवलं जात होतं अशी माहिती आहे.

हे ही वाचा >>Pankaja Munde : "भाजपने बाहेरुन निवडणुकीसाठी 90 हजार लोक आणलेत, इथला ऑक्सिजन कमी झाला"

अंबाझरी तलावाकडून वाडीकडे जाताना वाहन थांबविण्यात आले. हे सोने जप्त करून अंबाझरी पोलिस ठाण्यात नेण्यात आले. त्याची चौकशी केली असता, निवडणुकीचा काळ सुरू असताना  एवढ्या मोठ्या प्रमाणात सोनं घेऊन जाण्यासाठी सिक्वेल लॉजिस्टिकला निवडणूक आयोगाची परवानगी नसल्याचंही आढळून आलंय.