MVA Manifesto: महालक्ष्मी योजनेच्या माध्यमातून महिलांना किती रुपये मिळणार? मविआचा जाहीरनामा पाहिलात का?

काँग्रेसच्या 5 मोठ्या घोषणा

काँग्रेसने महालक्ष्मी योजनेच्या माध्यमातून महिलांना दरमहा 3 हजार रुपये देण्याचं आश्वासन दिलं आहे. तसच महिलांना मोफत बससेवा देण्याची घोषणाही मविआच्या जाहीरनाम्यात करण्यात आलीय. लोकांना मोफत औषध, 25 लाखांचा मोफत आरोग्य विमा, जातीनिहाय जनगणना, 50 टक्के आरक्षणाचे नियम हटवणार, तामिळनाडू प्रमाणे व्यवस्था करणार, अशा मोठ्या घोषणा मविआने त्यांच्या जाहीरनाम्यात केल्या आहेत.

हे ही वाचा >>  Amit Shah : "आता आमचे मुख्यमंत्री एकनाथ शिंदे, पण निवडणुकीनंतर...", अमित शाह 'हे' काय बोलून गेले

शेतकऱ्यांचं 3 लाखांपर्यंतच कर्ज माफ केलं जाईल. नियमित कर्ज फेडणाऱ्या शेतकऱ्यांना 50 हजार रुपयांचा प्रोत्साहन भत्ताही देणार असल्याचं मविआच्या जाहीरनाम्यात म्हटलंय. बेरोजगारांसाठी दरमहिन्याला 4 हजार रपये देण्यात येतील, असं आश्वासनही मविआकडून जनतेला देण्यात आलं आहे.

हे ही वाचा >> Train Jugaad Video : प्रवाशांनो! मुंबई लोकलमध्ये सीट नाही मिळत? 'या' व्यक्तीने केला भन्नाट जुगाड

मविआचा जाहीरनामा प्रसिद्ध केल्यानंतर मल्लिकार्जुन खर्गे म्हणाले, महाराष्ट्राची निवडणूक संपूर्ण देशासाठी महत्त्वाची आहे. आज संपूर्ण देश मुंबईकडे पाहतो आहे. ही निवडणूक महाराष्ट्राला बदलण्यासाठी आहे. महालक्ष्मी योजनेबाबत घोषणा केल्यानंतर मोदींनी आमची खिल्ली उडवली. ते आमच्या योजनांवर टीका करत आहेत. देशात एकता ठेवण्यासाठी इंदिरा गांधी आणि राजीव गांधी यांनी प्राणाची आहुती दिली. आम्ही स्वातंत्र्यासाठी रक्त सांडवलं आहे. विरोधकांवर हल्लाबोल करत खर्गे म्हणाले, त्यांनी मनुस्मृतीला स्वीकारून देशाचं विभाजन केलं आहे.