Sharad Pawar: "देशाची चिंता वाटत होती, कारण नरेंद्र मोदी...", शरद पवार नेमकं काय म्हणाले?

यशवंतराव चव्हाण मुख्यमंत्री होते. तेव्हापासून महाराष्ट्राचा नंबर नेहमी पहिलाच होता. महाराष्ट्र कधी दुसऱ्या नंबरवर गेला नाही. भाजप फडणवीसांचं राज्य आलं आणि महाराष्ट्र पहिल्यानंबरवरून सहाव्या नंबरवर गेला. आज महाराष्ट्रातून परदेशात माल जातो. आम्ही जेव्हा सत्तेत होतो तेव्हा महाराष्ट्राच्या  डोक्यावर 3 लाख 20 हजार कोटीचं कर्ज होतं. गेल्या दोन वर्षात ही सत्ता भाजपच्या हातात गेली, त्यामुळे 3 लाखांवरचं कर्ज 8 लाख रूपयांवर पोहोचलं आहे. 

हे ही वाचा >> Uddhav Thackeray: उद्धव ठाकरेंनी शिंदे गटावर डागली तोफ, म्हणाले; " बाळासाहेबांची मशाल हातात घेऊन..."

एक काळ असा होता, जेव्हा उद्योगधंद्यात महाराष्ट्र पहिल्या नंबरवर होता. आजही काही प्रमाणात आहे. पण त्यावेळची आणि आजची स्थिती वेगळी आहे. एकेकाळी कारखानदारी म्हणजे किर्लोस्कर..कारखानदारी म्हणजे गरवारे, अशी नावं ऐकायला मिळायची. महाराष्ट्राचे मुख्यमंत्रीपद यशवंतराव चव्हाण यांच्याकडे आलं. त्यांनी वेगळा विचार केला. मुंबई आर्थिक शहर झालं. अनेक ठिकाणी औद्योगिक वसाहती कशा सुरु करता येईल, याचा त्यांनी विचार केला.

हे ही वाचा >> Uddhav Thackeray: "मला गद्दाराला गाडायचंय, कोणत्याही परिस्थितीत...", कर्जतच्या सभेत उद्धव ठाकरे कडाडले

कर्जत जामखेडमध्ये रोहित पवारांच्या सभेतही शरद पवारांनी विरोधकांना धारेवर धरलं. "कर्जत-जामखेड या भागात गेल्या पाच वर्षांपासून रोहितला तुम्ही तुमचा घरचा प्रतिनिधी बनवला. या शहरात, या जिल्ह्यात, या मतदारसंघात जे जे विकासाची कामं आहेत. त्याकडे रोहितचं लक्ष आहे. या तालुक्यात दहा वर्ष एक आमदार होता. तो पाच वर्ष मंत्री होता. काय दिवे लावले त्यांनी? या दहा वर्षात केलं काय? असा सवाल उपस्थित करत शरद पवारांनी विरोधकांना सुनावलं.