Maharashtra Election: मुंबईच्या मतदारांसाठी गुड न्यूज! मध्य रेल्वे चालवणार स्पेशल ट्रेन, 'असं' आहे शेड्युल

मुंबईतील मतदारांसाठी आनंदाची बातमी

या विशेष ट्रेन मुंबईची मेन लाईन (छत्रपती शिवाजी महाराज टर्मिनस ते कल्याण) आणि हार्बर लाईन (छत्रपती शिवाजी महाराज टर्मिनस ते पनवेल) या मार्गावर चालवली जाईल. रात्रीच्या वेळी जास्त ट्रेन चालवण्यात येतील. जेणेकरून मतदारांना आणि निवडणूक अधिकाऱ्यांना मतदान केंद्रावर वेळेवर पोहोचता येईल. मध्य रेल्वेने स्पेशल उपनगरीय ट्रेनसाठी प्रस्थान आणि आगमनाच्या वेळेचं शेड्युल जाहीर केलं आहे.

हे ही वाचा >>  Uddhav Thackeray: "मला गद्दाराला गाडायचंय, कोणत्याही परिस्थितीत...", कर्जतच्या सभेत उद्धव ठाकरे कडाडले

ट्रेनच्या वेळेबाबतची माहिती रेल्वे विभागाकडून प्रवाशांना लवकरच सांगितली जाणार आहे. रेल्वेने असंही जाहीर केलंय की, विशेष ट्रेन फक्त 19-20 आणि 20-21 नोव्हेंबरच्या रात्री चालवण्यात येतील. ज्यामुळे मतदान प्रक्रियेत कोणत्याही प्रकारचा अडथळा निर्माण होणार नाही. याचदरम्यान, रेल्वे सुरक्षा बल (RPF) आणि स्थानिक पोलिसांकडून ट्रेनच्या सुरक्षेबाबत माहिती दिली जाईल.

हे ही वाचा >> Maharashtra Assembly Election 2024 LIVE : राहुल गांधींचा पंतप्रधान मोदी, गौतम अदानींवर हल्लाबोल!

निवडणूक असल्याने प्रवाशांच्या संख्येत वाढ होऊ शकते. मध्य रेल्वेच्या या निर्णयामुळं लोकांना खूप सुविधा दिल्या जातील. कारण यामुळे मतदारांना आणि निवडणूक अधिकाऱ्यांना मतदान केंद्रापर्यंत पोहोचण्यात समस्या निर्माण होणार नाही. ज्या विभागात परिवहन सेवेची सुविधा अल्प प्रमाणात उपलब्ध असेल, अशा ठिकाणी रेल्वेचा हा निर्णय महत्त्वपूर्ण ठरणार आहे. विशेष उपनगरी रल्वेसेवेमुळे मतदान प्रकियेत फायदा होईलच, याशिवाय निवडणूक कार्यक्रमाची जबाबदारी पार पाडणाऱ्या अधिकाऱ्यांनाही याचा फायदा होणार आहे.