Baramati: 'मला एक संधी देऊन बघा... पाहा काय करून दाखवतो', युगेंद्र पवार असं म्हणताच...

युगेंद्र पवार पुढे म्हणाले, थेट तुम्ही माझ्याशी बोलू शकता, भेटू शकता.. कुठलीच फळी नाही. तुम्हाला अनुभव आहे. तुम्ही फोन केला तर मी फोन उचलतो, बोलतो.. अशाच एका लोकप्रतिनिधींची आपल्याला गरज आहे. याच पद्धतीने आपण पुढे जाणार आहोत. शाश्वत विकास आपण करणार आहोत. पवार साहेबांचा स्वाभिमान आपल्याला जपायचा आहे. आज संपूर्ण महाराष्ट्रात साहेबांचं वारं आहे आणि बारामतीत पण आहे. हे तुम्ही सगळ्यांनी ते दाखवून दिलंय. 

हे ही वाचा >> Sharad Pawar: "देशाची चिंता वाटत होती, कारण नरेंद्र मोदी...", शरद पवार नेमकं काय म्हणाले?

आज मला एक संधी देऊन बघा.. तुम्ही दुसऱ्यांना अनेक संधी दिली आहे. (युगेंद्र पवारांनी असं म्हणताच उपस्थितांनी एकच जल्लोष केला) तरी पण आपली कामं अडकली आहेत. बरीच वर्ष तीच-तीच कामं अडकली आहेत. जास्त चांगला विकास करून दाखवतो, शाश्वत विकास करून दाखवतो. मी सर्वसामान्य लोकांची कामं करून दाखवतो. अलीकडे कोणाची कामं होतात हे तुम्हाला माहिती आहे. आज मी त्यावर जास्त बोलत नाही. पण जी जनता आहे जे इथे उपस्थित आहेत. जी बारामतीतील स्वाभिमानी लोकं आहेत त्यांची कामं झाली पाहिजेत. ती कामं आपण इथून पुढे करू, असंही युगेंद्र पवार म्हणाले.

हे ही वाचा >> Uddhav Thackeray: उद्धव ठाकरेंनी शिंदे गटावर डागली तोफ, म्हणाले; " बाळासाहेबांची मशाल हातात घेऊन..."