किरकोळ कारणावरुन दोन युवकांची हत्या, दौंड परिसरातील धक्कादायक घटना

शिवम शितकल आणि गणेश माखर अशी हत्या झालेल्या दोन तरुणांची नावं आहेत. याप्रकरणी महेश भागवत, मोहन टुले, योगेश शिंदे व अन्य ४-५ जणांवर हत्येचा आरोप आहे. पोलिसांनी दिलेल्या माहितीनुसार शिवम आणि गणेशला महेश भागवत याने फोनवरुन आई-बहिणीच्या नावाने शिव्या दिल्या. याबद्दल जाब विचारायला गेले असता तिघांमध्ये बाचाबाची झाली. या बाचाबाचीचं रुपांत मारामारीत झालं.

महेश भागवत आणि त्याच्या सहकाऱ्यांनी शिवम आणि गणेशवर तलावारीने वार करत डोक्यात दगड टाकून त्यांची हत्या केली. या घटनेमुळे दौंड भागात दहशतीचं वातावरण निर्माण झालं आहे. दरम्यान दौंड पोलिसांनी याप्रकरणी गुन्हा दाखल केला असून फरार आरोपींचा शोध सुरु आहे.