अकोला : ट्रक-कारच्या भीषण अपघातात ४ जणांचा मृत्यू

वाशीम जिल्ह्यातील पांगरा कुटे गावातले चौघे जणं आपल्या चारचाकी गाडीतून शेगाव दर्शन करुन परतीच्या मार्गावर होते. रात्री दीड ते दोन वाजल्याच्या दरम्यान कारने ओव्हरटेक करत असताना समोरून येणारा ट्रक न दिल्यामुळे हा अपघात झाला. या अपघाताची तीव्रता इतकी मोठी होती की चारचाकी गाडी ही रस्त्याच्या कडेला जाऊन पडली.

या अपघातात तिघांनी जागेवरच आपले प्राण गमावले. अपघाताची माहिती कळताच बाळापूर पोलीस ठाण्याच्या अधिकाऱ्यांनी तात्काळ घटनास्थळी धाव घेतली. एका जखमी व्यक्तीला उपचारासाठी अकोल्यात रुग्णालयात दाखल केलं असता त्याचा उपचारादरम्यान मृत्यू झाला. या घटनेत पोलिसांनी ट्रकचालकाविरुद्ध गुन्हा नोंदवत तपास सुरु केला आहे.