Ajit Pawar meets Sharad Pawar Delhi : पवारांची भेट, अर्ध्या तासानंतर बाहेर, अजितदादा, भुजबळ, पटेल काय म्हणाले?

हे ही वाचा >> CM फडणवीसांची दिल्लीत जाऊन खलबतं, शिंदे-अजितदादांच्या 'त्या' खात्यांवरही भाजपचा डोळा!

अजित पवार म्हणाले, शरद पवार साहेबांसोबत परभणी, राज्यसभा आणि लोकसभेबद्दल चर्चा झाली. मंत्रिमंडळाचं काय झालं, हिवाळी अधिवेशन वैगेरे गोष्टींवर आमच्यात चर्चा झाली. तसंच चहा-नाष्टा झाला असं अजिदादांनी सांगितलं. आज साहेबांचा वाढदिवस आहे, त्यांना सगळेच शुभेच्छा द्यायला  येत असतात असंही अजितदादा म्हणाले.  यशवंतराव चव्हाण साहेबांनी सुसंस्कृत राजकारण कसं करायचं हे शिकवलं आहे हे सांगायलाही अजित पवार विसरले नाहीत. पुढे त्यांनी यावेळी सांगितलं की, 14 डिसेंबरला शपथविधी होऊ शकतो.

हे ही वाचा >> Mangesh Chivate: फडणवीस CM होताच शिंदेंना मोठा झटका! अत्यंत जवळच्या सहकाऱ्याला हटवलं

शरद पवार यांच्या भेटीनंतर प्रफुल्ल पटेल म्हणाले, शरद पवार यांचं आरोग्य चांगलं राहो, त्यांचं नेतृत्व महाराष्ट्राला आणि देशाला मिळत राहो या सदिच्छा देण्यासाठी इथे आलो. छगन भुजबळ म्हणाले, आम्ही कायम त्यांना शुभेच्छा देत असतो. मी त्यांच्यासोबत तीस वर्षांहून अधिक दिवस काम केलं आहे, त्यामुळे राजकारण राजकारणाच्या ठिकाणी आहे, पण स्नेहसंबंध आहेतच ना असं छगन भुजबळ म्हणाले आहेत.

दरम्यान, अजित पवार यांनी आज आपण अमित शाह यांची भेट घेणार असल्याचं सांगितलं आहे. त्यामुळे राज्याच्या मंत्रिमंडळ विस्ताराबद्दल काय निर्णय होणार यावर सर्वांचं लक्ष असणार आहे.