निकालाआधीच AAP कडून सेलिब्रेशनची तयारी

पाच राज्यांच्या निवडणूकांचे निकाल आज लागणार आहेत. परंतू हे निकाल हाती येण्याआधीच दिल्लीत आम आदमी पक्षाच्या कार्यालयात सेलिब्रेशनला सुरुवात झाली आहे.

यंदाच्या निवडणुकीत आम आदमी पक्षाला पंजाबमध्ये जनादेशाचा कौल मिळेल अशी आकडेवारी Exit Poll मधून समोर आली आहे.

ही आकडेवारी खरी ठरल्यास दिल्ली बाहेर सत्ता मिळवण्याची आम आदमी पक्षाची ही पहिलीच वेळ ठरणार आहे.

काँग्रेसमध्ये अमरिंदर सिंग विरुद्ध नवज्योतसिंह सिद्धू यांच्यातील वादाचा फटका काँग्रेसला बसणार असल्याचं प्राथमिक आकडेवारीत दिसत आहे. असं झाल्यास पंजाबमध्ये आम आदमी पक्षाचे भगवंत मान हे मुख्यमंत्री पदासाठी प्रबळ दावेदार मानले जात आहेत.

अरविंद केजरीवाल यांच्यासह सर्वच प्रमुख आम आदमी पक्षाच्या नेत्यांनी पंजाबमध्ये विजयाचा विश्वास व्यक्त केला आहे.