सूर्यवंशी सिनेमानंतर कंगनाच्या थलायवी सिनेमाचंही प्रदर्शनही ढकललं पुढे!

तर याचा फटका आता अभिनेत्री कंगना राणौतच्या सिनेमालाही बसलाय. कंगनाचा थलायवी हा सिनेमा 23 एप्रिल रोजी रिलीज होणार होता. मात्र आता या सिनेमाची रिलीज डेट पुढे ढकलण्यात आली आहे.

यासंदर्भात थलायवी सिनेमाच्या टीमने निवेदन जारी केलंय. या निवेदनात म्हटल्याप्रमाणे, थलायवी सिनेमाच्या ट्रेलरला खूप चांगला प्रतिसाद मिळाला. हा सिनेमा बऱ्याच भाषांमध्ये एकाचवेळी रिलीज करायचा आहे. पण सध्या कोरोनाची परिस्थिती पाहता 23 एप्रिल रोजी हा सिनेमा रिलीज करता येणार नाहीये. सरकारचे कडक नियम पाहता थलायवी सिनेमाची रिलीज डेट पुढे ढकलण्यात येत आहे.

तमिळनाडूच्या दिवंगत मुख्यमंत्री जयललिता यांच्या आयुष्यावर आधारीत हा थलायवी सिनेमा आहे. हा चित्रपट एकाच वेळी वेगवेगळ्या 3 भाषांमध्ये रिलीज करण्यात येणार आहे. हिंदी, तेलुगु आणि तमिळ या भाषांमध्ये रिलीज होणार आहे. या सिनेमासाठी अभिनेत्री कंगना राणौतने बरीच मेहनत घेतली आहे.