Sputnik-V: सीरम आता भारतात बनवणार रशियन बनावटीची स्पुटनिक-V लस, DCGI ची मंजुरी

डीसीजीआयची मान्यता मिळाल्यानंतर सीरम भारतात स्पुटनिक-V या लसीचं उत्पादन करू शकणार आहे. डीसीजीआयने स्पुटनिक-V च्या परीक्षा, चाचणी आणि विश्लेषणासह त्याच्या उत्पादनासाठी सीरमला परवानगी दिली आहे.

सीरम हे आधीपासून आधीच कोव्हिशिल्ड (Covishield) या कोव्हिड प्रतिबंधक लसीची निर्मिती करीत आहे. परंतु आता ही कंपनी रशियन बनावटीची स्पुटनिक-V नावाची रशियन लस देखील तयार करणार आहे. सीरम इन्स्टिट्यूटने काही दिवसांपूर्वीच या लसीच्या परीक्षण, चाचणी आणि विश्लेषणासाठी डीसीजीआयकडे अर्ज केला होता.

Covaxin की Covishield; कोणती Vaccine जास्त प्रभावी ?

सध्या भारतात डॉ. रेड्डीज लेबॉरेटरीजद्वारे स्पुटनिक-V लसीची निर्मिती केली जात आहे. या रशियन लसीचा भारतात 14 मेपासून वापर सुरू झाला. स्पुटनिक आतापर्यंत 50 हून अधिक देशांमध्ये नोंदणीकृत आहे. एका अभ्यासानुसार या लसीची (दोन्ही डोसची) कार्यक्षमता ही तब्बल 97.6 टक्के इतकी आहे.

दुसरीकडे सीरम संस्थेने अशी मागणी केली आहे की, परदेशी लस कंपन्यांप्रमाणेच त्यांनाही सरकारने संरक्षण दिले पाहिजे. वृत्तसंस्था एएनआयच्या वृत्तानुसार, सीरम इन्स्टिट्यूटसह इतर देशी लस कंपन्यांनी आता अपील केले आहे की, जर परदेशी कंपन्यांना ही सुविधा मिळत असेल तर त्यांनाही सरकारने संरक्षण दिले पाहिजे.

पुढच्या आठवड्यापासून भारतात मिळणार Sputnik V, जुलैपासून सुरू होणार उत्पादन

खरं तर अमेरिकन लस उत्पादक फायझर आणि मॉडर्ना यांनी सरकारकडे कायदेशीर संरक्षण मिळावं अशी मागणी केली होती. जेणेकरुन लसीनंतर काही समस्या असल्यास कंपनीवर कोणीही कायदेशीर कारवाई करू होऊ नये. आता सीरम व्यतिरिक्त भारत बायोटेकही सरकारकडे अशाच प्रकारची मागणी करत आहे.

डॉ. रेड्डीज तयार करत असलेल्या Sputnik V या लसीची किंमत किती?

Sputnik-V ही लस बनविण्यासाठी सीरमला परवानगी मिळाली आहे. त्यामुळे आता सीरम उत्पादित करणाऱ्या या रशियन बनावटीच्या लसीची नेमकी किती किंमत असणार हे समजू शकलेलं नाही. मात्र सध्या डॉ. रेड्डीज लॅबोरेटरीद्वारे याचे उत्पादन सुरु असून त्याची नेमकी किती किंमत असणार हे देखील समोर आलं आहे.

Sputnik V ही रशियन बनावटीची लस आहे. या लसीच्या एका डोसची किंमत 995 रूपये असणार आहे. भारतात या लसीचा पहिला डोस हैदराबादमध्ये डॉ. रेड्डी यांनी घेतला आहे. एका डोसची किंमत 995 रूपये इतका असणार आहे. या डोसला सेंट्रल ड्रग्ज लॅबरोटरीजकडून आवश्यक परवानग्या मिळाल्या आहेत. डॉ. रेड्डीज लॅबरोटरीजने स्टॉक एक्सचेंजलाही स्पुटनिक व्ही या लसीच्या डोसच्या किंमतीबाबत माहिती दिली होती. 11 ऑगस्ट 2020 रशियाने या लसीची नोंदणी केली होती.